Vikan - 04.04.1985, Page 12

Hann hefur sérstaklega gaman af að taka mig í gegn þegar ég kem vestur. Hann
segir mér til syndanna og lætur mig vita að þetta séu nú meiri prumpstörfin sem ég gegni.
Það sé ekki nokkur helvítis vinna að sitja yfir ritvél í Reykjavík og skrifa einhverja vitleysu,
kvelja fólk hvar sem er í heimahúsum gegnum útvarpið og fá svo borgaðan stórpening fyrir
það. Þetta sé sko ekki vinna!
En að fella net, vinna að sjávarútvegi, undirstöðuatvinnuvegi þjóðarinnar, það sé vinna og
það skuli ég muna! Og ég skuli ekki voga mér að vera að grobba neitt af mínum störfum,
þessum leik við pennastrik.
Ég hef einstaklega gaman af honum og er honum innilega sammála. Og þó, reyndar ekki
alveg. . . En ég virði þetta við hann og veit hvað hann hugsar."
— samtal við Eðvarð Ingólfsson

12 Vikán 14. tbl.