Vikan - 10.01.1991, Blaðsíða 9

bótarþekkingu sem stjörnuspekin býður upp á.
Það hlýtur að vera öllum til góðs aö leggja
áherslu á að hvetja einstaklingana til að
þroska sjálfa sig. Það getur sparað samfélag-
inu milljarða ef menn fara I nám þar sem hæfi-
leikar þeirra nýtast best. Ég tel einnig að fjöl-
margir sjúkdómar stafi af bældri orku, menn
séu aö ganga á sjálfa sig og verði veikir af því.
Við getum tekið sem dæmi mann sem vinnur
við færiband þar sem vinnan er mjög einhæf.
Hann er hins vegar mjög skapandi einstakling-
ur og eftir nokkurn tíma fer honum að líða illa
í vinnunni. í stað þess að hætta heldur hann
áfram og þá geta jafnvel komið fram sjúk-
dómseinkenni þar sem hann er að pína sjálfan
sig og sjúkdómurinn getur verið leið hans til að
komast út úr þessu starfi sem hann þolir ekki.
Ég er ekki þar með að segja að störf við færi-
band séu slæm, þau geta hins vegar hentaö
sumum en ekki öðrum. Þó ég sé manískur
persónuleiki er ég ekki manískur varðandi
viðhorf, mér finnst að allir einstaklingar eigi að
fá að þrífast og njóta sín, án þess þó að troða
á náunganum og því er ég ekki að boða óheft-
an egóisma. Ef menn vilja spila billjard allt sitt
líf eiga þeir að fá aö gera það og ef menn vilja
vera Vottar Jehóva eiga þeir að fá að vera
það.“
- Er vaxandi áhugi á stjörnuspeki víða um
heim?
„Já, það er eins og við höfum náð ákveðn-
um tímamótum sem við getum kallað „hvað
svo tímamótin". Menn hafa náð ákveðnum
árangri, eru búnir að mennta sig, kaupa sér
bíla og hús og eignast börn en vakna skyndi-
lega upp við einhverja vanlíðan, sjá að þeir eru
að rífast í fallegu húsunum sínum. Maðurinn
lifir nefnilega ekki án tilgangs eins og sálfræð-
ingurinn Bruno Bettleheim komst að er hann
var í fangabúðum nasista í seinni heimsstyrj-
öldinni. Hann tók eftir því að þeir sem lifðu af
lífið í fangabúðunum höfðu einhvern tilgang.
Sjálfur ákvað hann að lifa af til að geta sagt frá
lífinu þarna. Þeir sem lifðu sáu tilgang í þján-
ingunni og þeir sem gera þaö leita að einhverju
haldreipi sem getur fleytt þeim áfram, leita til
dæmis í trúna. Hér á íslandi er til dæmis al-
gengt að fyrirtæki fari á hausinn og bak við
hvert gjaldþrot liggur harmsaga margra fjöl-
skyldna. Margt af þessu fólki leitar leiða út úr
kreppunni, kaupir sér sjálfshjálparbækur og
byggir sig upp að nýju. í trúarbrögðum Austur-
landa er til dæmis lögð áhersla á að þjáningin
sé þroskandi, menn þroskist ekkert þegar
þeim vegni vel því þá reyni ekkert á þá. Þannig
þýðir orðið krísa tvennt, hætta og tækifæri - og
menn geta unnið úr þeim á misjafna vegu.“
- Nú hafa sumir sagt að hægt sé að fá upp-
lýsingar um fyrri líf meö því að reikna út
stjörnukort. Þannig sé tungl í því merki sem
sólin var í í síðasta lífi. Hvað viltu segja um
þetta?
„Ég held að við höfum lifað áður og eigum
eftir önnur líf. En það skiptir þó ekki máli því
við eigum að reyna eftir megni að lifa í nútíð-
inni. Þess vegna skiptir mestu máli að menn
átti sig á hlutverki sínu í þessu lífi og reyni að
fá sem mest út úr því.“
- Hefur það hjálpað þér að reikna út eigið
stjörnukort?
„Já, ég hafnaði ákveðnum þáttum í sjálfum
mér. Ég er mjög jarðbundinn í aðra röndina, er
með sólina í nautsmerkinu og tungl í fiskum og
ég var miklu meiri fiskur hér áður fyrr. Nú er ég
farinn að þekkja betur hvernig ég get notað
„börnin mín“ eins og ég kalla þá orku sem ég
hef yfir að ráða. Þegar ég held fyrirlestur nota
ég hrútinn og Ijónið en þegar ég les úr stjörnu-
kortum nota ég fiskana. Mérfinnstég stundum
vera að spila á hljóðfæri, spila á ákveðnar nót-
ur þegar þær hljóma best.“
- Eru Islendingar orðnir áhugasamir um
stjörnuspeki?
„Já, áhuginn hefur aukist með árunum. And-
leg mál eru í tisku núna, sem er gott, þó hætt-
an sé sú að það sem er í tísku í dag verði orðið
úrelt á morgun. Æskilegra væri að áhuginn yxi
jafnt og þétt því þá eru allar líkur á að hann
verði varanlegri. Ég hef áhuga á að bæta
stjörnukortin, sem ég er með, í Ijósi nýrrar
þekkingar og reynslu. Ég hef minni áhuga á
sölu og auglýsingum, ég vil að stjörnukortin
auglýsi sig sjálf. Ég vil vinna við sköpun og vil
sjá áþreifanlegan árangur af verkum mínum.
Og þess vegna hef ég gaman af að gefa út
bækur eins og ég hef gert undanfarin ár.“
Það er kominn tími til að enda þetta spjall og
Gunnlaugur er spurður að því í lokin hvort ekki
sé hægt að fá hann til að segja eitthvað um
næsta ár.
„Mér leiðast spádómar. Mér finnst miklu
mikilvægara að við áttum okkur á því hver við
erum og hvað við viljum gera. Mér leiðist aum-
ingjaskapur í Islendingum og væl um að allt
gangi hér á afturfótunum. Við höfum það mjög
gott, erum ein ríkasta þjóð veraldar og gætum
haft það enn betra ef við löguðum helstu galla
okkar. Ég vil því frekar segja helstu einkenni á
hinni íslensku þjóðarsál því þannig styrkjum
við okkur sjálf, með því að þekkja galla okkar
og kosti. Og svo getum við gert það úr framtíð-
inni sem við viljum." Og Gunnlaugur nær í bók
sína, Hver er ég? og flettir upp á sameiginleg-
um einkennum íslendinga. Þar kemur fram að
stjörnukort fyrir 17. júní 1944 sé mótsagna-
kennt. Annars vegar er til staðar ákveðni,
stífni, íhaldssemi og forræðishyggja og hins
vegar sveigjanleiki, stórhugur og nýjungagirni.
Vandamál landsmanna felist í dauðum fjár-
festingum, húsum og steinsteypu sem gefi lit-
inn arð, minnimáttarkennd sem komi oft fram
sem stórmennskubrjálæöi og óhóf eins og í
íbúðarhúsum, flugstöðinni nýju og Kringlunni,
svo dæmi séu nefnd. Að auki berjumst við við
fátæktardraug sem komi meðal annars fram í
kaupæði.
„Við búum einnig við ákveðna forræðis-
hyggju sem kemur fram á margan hátt. Pólitík-
in einkennist af hreppapólitík, skammsýni og
óheiðarleika, þar sem ekki er staðið við samn-
inga. Styrkur landsins felst hins vegar í þvi að
við eigum auðugt land. Við ættum að byggja
betur undir frumatvinnuvegina; landbúnað og
fiskveiðar. ísland er hreint og ómengað land
og í heimi, sem sífellt verður mengaðri, er sú
staðreynd ómetanleg og við ættum að nýta
okkur það til fullnustu, framleiða „hreina", full-
unna matvöru. ísland er einnig vaxandi ferða-
mannaland og ráðstefnuland og ættum við að
gera okkur meiri mat úr því. Þá mætti auka hér
grósku á sviði tæknimála og leggja aukna
áherslu á ísland sem land heilbrigði, koma hér
upp heilsuhótelum og þjónustuiðnaði í kringum
heilbrigt líferni. Þá er einnig möguleiki á að
gera landið að bankalandi, leggja áherslu á að
varðveita peninga annarra í stað þess að fá þá
að láni. Ég tel að lokum að við eigum bjarta
framtíð fyrir höndum ef við spáum í okkur sjálf,
galla okkar og kosti og hvað við viljum gera úr
okkur á næstu árum.“
■ Það hafa verið mjög
sterk öfl á móti mér, svo
sem Háskólinn og
kirkjan.
■ Vísindamenn, svo
sem sálfræðingar, ótt-
ast að stjörnuspekin
taki eitthvað frá þeim.
Margir þeirra sjá
stjörnuspekina sem
ógnun við þeirra fag en
ættu í staðinn að fagna
henni sem viðbót.
■ Ég tel einnig að fjöl-
margir sjúkdómar stafi
af bældri orku, menn
séu að ganga á sjálfa
sigog verði veikir af því.
■ Ég held að við höfum
lifað áður og eigum eftir
önnur líf.
■ Mér leiðast spá-
dómar. Mér f innst miklu
mikilvægara að við
áttum okkur á því hver
við erum og hvað við
viljum gera.