Vikan - 10.01.1991, Blaðsíða 36

SAGA THE PIXIES, EINNAR VINSÆLUSTU ROKKSVEITAR DAGSINS í DAG textI: gunnar h, ársælsson
HAUSTIARNA EDA
Það var þannig að einn
daginn gekk kona inn
í spaenskutíma og
spurði hvort einhvern langaði
að fara í ársnámsdvöl til
Puerto Rico," segir Charles
Michael Kitridge Thompson IV
er hann útskýrir hvað varð til
þess að vinsaelasta óháða
rokksveit dagsins í dag, The
Pixies, varð til.
„Ég sló til og vænti mikilla
ævintýra á Puerto Rico. Ann-
að kom þó á daginn, eftir sex
mánuði var ástandið orðið það
slæmt að ég var hættur að
sækja tíma í skólanum. Ég var
einn daginn staddur á bar og
sagði við sjálfan mig: „Annað-
hvort fer ég til Nýja Sjálands til
að horfa á Halley halastjörn-
una eða ég stofna rokkhljóm-
sveit.“
Charles valdi það síðar-
nefnda, pakkaði niður í snatri
og tók næsta flug til heima-
borgar sinnar, Boston í
Bandaríkjunum. Þar fóru
næstu vikur í að telja fyrrum
skólafélaga sinn, gítarleikar-
ann Joey Santiago, á að
ganga til liðs við sig. Sá er frá
Filippseyjum og var fjölskylda
hans ein sú auðugásta á eyj-
unum. Til marks um það má
nefna að þegar fyrstu þrjár
Benz bifreiðarnar voru fluttar
til eyjanna fékk faðir Joey,
sem er læknir, tvær en Marcos
forseti eina. Þegar svo ætt-
menn Joey fóru að hverfa einn
af öðrum í kringum 1972 leist
lækninum ekki á blikuna og
flutti til Bandaríkjanna.
Joey gekk til liðs við félaga
sinn þótt hann þrjóskaðist við í
fyrstu og næsta skref var að
finna nafn á hljómsveitina.
Charles hafði tekið sér nafnið
Black Francis, nafn sem faðir
hans var búinn að velja næsta
erfingja sínum, sem að vísu
kom aldrei í heiminn. Það var
hins vegar Joey sem kom með
nafnið Pixies. Það þýðir álfar
eða eitthvað i þá áttina.
Reyndar vildi hann kalla
hljómsveitina Pixies in Pan-
oply sem gæti útlagst á ís-
lensku sem Álfar með al-
væpni.
Þegar nafnið var komið var
leit hafin að bassaleikara og
því sett auglýsing í blað í
Boston þar sem hans var
óskað. Éina svarið kom frá
stúlku að nafni Kim Deal en
hún var frá Ohio fylki. Hún
mætti í prufu en gallinn var að
hún hafði ekkert hljóðfæri.
Málunum var reddað þannig
að Black lánaði henni fimmtíu
dollara fyrir flugfari svo hún
gæti náð í bassann til systur
sinnar í Ohio. Ekki átti hann
eftir að sjá eftir þvf. Kim Deal
hafði strax sín áhrif innan
hljómsveitarinnar þvf hún sá til
þess að þau losuðu sig við
upphaflega trommarann og
hún stakk upp á öðrum sem
hún hafði hitt í brúðkaups-
veislu. Sá heitir David Lover-
ing.
Þegar hér var komið sögu
voru liðnir tveir mánuðir frá því
að Black kom frá eyjunni
hræðilegu, Puerto Rico. Pixies
var orðin að veruleika og þau
byrjuðu að æfa af krafti f bíl-
skúr eins og allra góðra rokk-
banda er siður. Þetta var í júlí
1986.
VERSTU TÓNLEIKAR
ROKKSÖGUNNAR
Fljótlega héldu þau fyrstu tón-
leikana og minnast þau kon-
sertsins sem „verstu tónleika
rokksögunnar". „Allir vinir okk-
ar komu og hlógu sig mátt-
lausa,“ segja þau.
Þau gáfust samt ekki upp og
fljótlega voru þau búin að taka
upp prufuupptökur af nokkrum
lögum og var ætlunin að nota
þau sem baktryggingu í samn-
ingsgerð við eitthvert hljóm-
plötufyrirtæki. Ekki þurfti þess
meö því Iwo Watts frá óháða
breska hljómplötufyrirtækinu
4AD heyrði upptökurnar og
gerði samning við hljómsveit-
ina hið snarasta. Þetta var í
október 1987 og í sama mán-
uði komu upptökurnar út sem
fyrsta breiðskífa Pixies, Come
on Pilagrim. Tónlistin á plöt-
unni er geysilega hrátt og
óheflað rokk og hafði hljóm-
sveitinni tekist að ná fram
mjög sérstæðu „sándi". Einnig
vöktu textar Black Francis at-
hygli sökum trúarlegra tilvitn-
ana en hann var alinn upp hjá
mjög strangtrúaðri fjölskyldu.
Platan fórfljótlega í fyrsta sæti
óháöa listans og um hljóm-
sveitina hópaðist tryggur að-
dáendaskari.
The Pixies virtust nær ó-
stöðvandi því aðeins hálfu ári
síðar, í mars 1988, kom út
breiðskífan Surfer Rosa. Sú
skífa aflaði þeim mikilla vin-
sælda og virðingar innan tón-
listarheimsins og var valin
skífa ársins af mörgum gagn-
rýnendum, meðal annars í
bresku tónlistartímaritunum
Melody Maker og Sounds.
Tónlistin var áfram hrá og
kraftmikil þó svo að hljóm-
sveitinni tækist betur að beisla
orkuna og beina henni í réttar
áttir. Lögin á plötunni voru að
einu undanskildu eftir Black
Francis. Hvernig skyldi hann
semja lögin sín?
„Ég sem flest lögin fyrir
framan spegil," útskýrir hann,
„en þegar ég er orðinn þreytt-
ur á speglinum fer ég í sturt-
una og held áfram. Ég umla
þar alls konar hljóð sem
seinna meir verða svo aö
textum."
ÞREYTA OG RUGL
(apríl á síðasta ári kom svo út
breiðskífan Doolittle og fór
hún beint í áttunda sæti
breska vinsældalistans. Segir
það meira en mörg orð um vin-
sældir sveitarinnar. í sama
mánuði hófst „Sex and Death“
tónleikaför Pixies um Evrópu
og í byrjun september var röð-
in komin að Bandaríkjunum.
Þar hét túrinn „Fuck or Fight“.
Þá var komin þreyta í mann-
skapinn enda höfðu þau spilað
á yfir hundrað tónleikum á
tímabilinu. Sem dæmi um
þreytuna í sveitinni má nefna
að Black neitaði um tíma alfar-
ið að ferðast með flugvélum
(vegna breiðþotuslyss í Sioux
City) og í San Francisco tók
Joey svo mikið inn af sýru að
hann taldi sig vera runna af
alparósum. Ekki skánuðu mál-
in daginn eftir þegar Kim
bassaleikari reyndi að snyrta
þennan runna í einhverju rugli!
Athyglisvert er að kíkja í
dagbók sem Black Francis
hélt meðan á tónleikaferðinni
stóð. Þann 19. apríl skrifar
hann í Brighton í Englandi:
„Fyrstu tónleikarnir okkar í
ferðinni og við spiluðum svo
æðislega að það er ótrúlegt."
En 22. nóvember skrifar hann
eftir síðustu tónleikana, i New
York: „Hundleiðinlegir tónleik-
ar. Tónlistin hljómaði eins og
prump.“
í jólamánuðinum var svo
smáskífan Monkey Gone to
Heaven valin smáskífa ársins
af þremur helstu tónlistartíma-
ritum Bretlands og platan
Doolittle var í öðru sæti yfir
breiðskífur.
[ ágúst síðastliðnum fengu
plötukaupendur svo færi á að
eignast nýjustu breiðskífu Pix-
ies, Bossanova. Þetta er að-
gengilegasta afurð sveitarinn-
ar en sérkennin eru enn til
staðar og krafturinn óspilltur.
Um plötuna og Pixies var haft
eftir Kim bassaleikara: „Sumir
koma ef til vill til með að líta á
Bossanova sem geimstöð
hljómsveitarinnar, þaðan sem
við munum gera árásir á jarð-
arbúa, geimstöð þaðan sem
Pixies munu skjótast til heims-
frægðar. Fyrir fjórum árum
stofnaði Black Francis Pixies
vegna þess að honum fannst
líf sitt ekki vera nógu súrreal-
ískt. Síðan hefur hann reynt
hvað hann getur að gera hvert
lag eins hrífandi og skelfilegt
og hann vildi að líf sitt væri.“
Þessi tvö orð, sem koma
þarna fram hjá Kim, lýsa
kannski hljómsveitinni og tón-
list hennar best - hrífandi og
skelfilegt. Hvað sem um þaö
má segja hefur Bostonbandið
Pixies aldrei verið jafnvinsælt
og þessa dagana.
PIXIES NÁÐIHEIMSFRÆGÐ Á FJÓRUM ÁRUM.
36 VIKAN l.TBL.1991