Vikan - 01.10.1992, Síða 35

sem heild. Um leið og ég veit um hvað kvik-
mynd fjallar veit ég hvort ég hef áhuga á að
vinna við hana.
Ég kann vel við það sem ég er að gera
núna og lít ekkert frekar á mig sem íslending,
frekar en Frakka eða Ameríkana. Ég hef átt
erfitt með að skilja fólk sem fæðist á einhverj-
um stað og er svo bara þar það sem eftir er.
Það er í lagi ef fólk er ánægt og er að gera
það sem það langar til en ef ekki held ég að
fólk eigi hreinlega að leita þann stað uppi.
Það geri ég alla vega.
Ég horfi mikið á myndir og les handrit. Það
fyndna er að ég hélt að ég hefði engan áhuga
á „bisness". Annað hefur komið á daginn og
þá rifjast upp fyrir mér að ég hef í rauninni
alltaf verið markaðslega þenkjandi, alltaf að
hugsa um hvað gengur og hvað ekki, þó svo
að ég hafi kannski ekki gert mér grein fyrir
því. í rauninni er þetta bara sölumennska og
ég sölumaður. Út á það gengur kvikmynda-
gerð, verið að selja fólki hugmyndir daginn út
og daginn inn. Erfiðast er að sjálfsögðu að
sannfæra fjárfestana því það eru miklu fleiri
leikstjórar og leikarar en þær myndir sem eru
framleiddar. Það eru að minnsta kosti tuttugu
þúsund handrit í umferð, að vísu misgóð. Að-
eins örlítið brot af þeim kemst nokkurn tíma í
framleiðslu, hvað þá á hvíta tjaldið. Nær und-
antekningalaust stranda þessi verkefni á
sama vandamálinu, peningahliðin gekk ekki
upp. Hún er það erfiðasta í þessu öllu.
Byrjað er á því að búa til „pakka“ sem inni-
heldur leikstjóra og leikara, „nöfn“ og helst lof-
orð um dreifingu. Þá er að hafa samband við
fjárfestinn og sannfæra hann um ágæti þess
sem er á boðstólum. Erfiðast er að glíma við
A „Ég kann vel við það sem ég er að gera
núna og lít ekkert frekar á mig sem Islend-
ing en Frakka eöa Ameríkana.“
þekkta leikara sem vilja fá ákveðna upphæð
inn á ákveðinn bankareikning á ákveðnum
tíma, annars eru þeir ekki með. Þetta setur að
sjálfsögðu mikla tímapressu á framleiðand-
ann. Svo er bara að hella sér út í þetta og sjá
til. Það er það skemmtilega við þetta allt sam-
an.“
Þetta er Hörður, hugsaði ég um leið og
hann hafði lokið síðustu setningunni. Hann lif-
ir lífinu lifandi, er sér meðvitandi um mátt sinn
og umhverfisins. Hann er tilbúinn í slaginn,
fullur af orku og lífsgleði og í hreinskilni sagt
held ég að honum muni farnast vel. □
▲ „Hugmyndafræði framleiðandans verður
að vera í samræmi við kröfur markaðarins,
því það er hann sem velur handrit, lagar
það til og ræður leikstjóra og leikara."
▼ „Síðasta ár hef ég verið að finna sjálfan
mig og átta mig á hvernig ég ætla að ná
markmiðum mínum.“
20.TBL. 1992 VIKAN 35