Menntamál - 01.03.1935, Síða 26

24
MENNTAMÁI>
kunni svo vel námsefni það, sem heimtað er til inntöku, að
hann sé líklegur til að geta fylgzt með og haft gagn af nám-
inu. Auk þess mætti hafa gáfna eða þroskapróf, til þess að
mynda sér einhverja skoðun á því, hvort nemandanum muni
hollt eða heillavænlegt að leggja út á þá löngu og erfiðu leið,
sem skólinn er upphaf að. En með slík próf er vandfarið. Það
mun sannast þar sem annars staðar, að það er vandséður reka-
búturinn.
Freysteinn Gunnarsson.
Svar Pálma Hannesssonar,
rektors Menntaskólans 1 Reykjavík.
Herra ritstjóri.
Það er ekki mitt meðfæri, að svara spurningu yðar til nokk-
urrar hlítar. Ber margt til þess, en þó einkum það, að efnið,
sem hún fjallar um, er að miklu leyti órannsakað, og meðan
rannsóknirnar vantar, er ekki unnt að gefa svar, sem gagn sé
að. Eg vil þó ekki með öllu bregðast undan ósk yðar, en bið
lesendurna að virða vel það, sem ábótavant er.
Þegar velja á nemendur í æðri skóla, tel eg eigi aðra leið
betri en inntökupróf. Það skal að vísu játað, að margt má að
prófunum finna, og jafnvel meira að inntökuprófunum en öðr-
um, en hitt er jafnvíst, að flestir þeir, sem annað hafa reynt,
hafa orðið fyrir vonhrigðum, og þeir liafa tekið prófin upp aftur,
margir hverjir. En próf og próf getur verið sitt hvað, og það, sem
að prófunum hefir mest verið fundið, er einmitt það, að þau
væru of einhliða, að þau þaulreyndu kunnáttu nemendanna í
fáeinum þekkingaratriðum, en segðu ekki til um hitt, að hverju
barninu gagnið yrði síðar, hvorki í þeim skóla, sem þau voru
tekin í, né í hinum æðsta skóla, lífinu sjálfu. — Þetta er vafa-
laust rétt, en það nægir ekki sem ástæða til að varpa burtu
prófunum, heldur aðeins til að breyta þeim, þannig að þau
sýni ekki aðeins kunnáttu nemendanna, heldur og næmi þeirra,
athyglisgáfu og almennan þroska. í þetta horf er verið að