Menntamál - 01.06.1940, Qupperneq 10

8
MENNTAMÁL
hugboð um eitthvað mikið og fagurt í ríki hugsjónanna,
en betra er þó að kynnast honum, ferðast með honum í
sólskini og heiðríkju andans, því að aldrei dregur ský fyrir
sólu í gróðurlöndunum, þar sem hann dvaldi með skáld-
gyðju sinni. Sá, sem hefur dvalið þar með Einari Bene-
diktssyni mun finna sál sína fyllast einni hjartanlegri ósk:
Líð unaðsdagur hœgt.
ÁRSÆLL SIGURÐSSON:
Algengustu orðmyndir málsins
og stafsetningarkennslan.
Inngangur.
Það kann i fljótu bragði að virðast fánýtt atriði, að fá
úr því skorið, hverjar séu algengustu orðmyndir málsins.
En við nánari athugun sést, að svo er ekki. Það getur þvert
á móti haft mikla hagnýta þýðingu, að kunna glögg skil
á algengasta oröaforða málsins, t. d. við móðurmálskennslu
í barnaskólum. Og fyrir móðurmálskennara væri það þó
sérstaklega hagkvæmt að vita, hve stór orðaforði barnanna
er, sem þeir hafa undir höndum, hver hann er, og hvernig
hann eykst og þróast. Aðallega eru það tvö atriði, sem at-
hygli uppeldisfræðinga hefur beinzt að á þessu sviði:
1. Hver og hve mikill er orðaforði barna á ýmsum aldurs-
skeiðum?
2. Hvaða orð er börnum tamast að nota, þegar þau gera
skriflega grein fyrir einhverju efni?