Menntamál - 01.03.1953, Side 33

MENNTAMAL
27
Heimavistarskólinn i Ásgarði í Kjós. Tekinn i notkun haustið 1949.
Sérgreinar.
Kennsla í sérgreinum er eitt mesta vandamál fámennu
skólanna. Úr þessu hefur verið reynt að bæta á ýmsa vegu.
Um skeið var höfð kennsla í handavinnu og matreiðslu í
sambandi við sundkennsluna. Þá eru börn úr mörgum
skólahverfum saman komin á einhverjum stað í námunda
við sundlaug. Þetta var til mikilla bóta, en því miður
varð að hætta því vegna tregðu á greiðslu. Að öðru leyti
hafði þetta fyrirkomulag gefizt vel. Allmikið hefur verið
rætt um að koma á fót umferðakennslu í þessum grein-
um, og hún hefur verið reynd t. d. í íþróttum og söng.
Ræktarsemi í garð skóla.
Námsstjóri telur það eftirtektarvert, að eftir því sem
skóli hafi starfað lengur í einhverju byggðarlagi, gæti
meiri ræktarsemi í hans garð meðal íbúanna. Komi þetta
fram í ýmsu. Menn séu fúsari að greiða götu skólans,
hafi meiri hug á að sjá hag hans borgið, færi honum gjafir
og láti sér yfirleitt annara um öll málefni hans.