Menntamál - 01.10.1953, Blaðsíða 12

78
MENNTAMÁL
Einkaskólar fá þetta að sjálfsögðu ekki. Aftur á móti
styrkir sambandsstjórnin alla skóla nokkuð, sem fullnægja
vissum lágmarkskröfum. Mun það vera sérstaklega til
matarframreiðslu og aksturs barna úr og í skóla. í öllum
sveitaskólum og flestum kaupstaðaskólum, sem ég sá,
voru sérstakir skólabílar, sem sáu um flutning barnanna.
í einum skóla, sem ég heimsótti, höfðu þeir um 30 stóra
bíla til slíkra flutninga.
Ekki skulu þó lesendur halda, að allar skólabyggingar
séu til fyrirmyndar í Bandaríkjunum. í mörgum landbún-
aðarríkjum getur að líta skólahús svo léleg og illa útbúin,
að ég efast stórum um, að við teldum þau nothæf. Má vera,
að menn geti gert sér þetta í hugarlund, þegar þess er
gætt, að útgjöd til kennslu eru í Mississippiríki fimm
sinnum lægri á hvern nemanda í skólum en í New York-
ríki.
Víðast eru það negraskólarnir í Suðurríkjunum, sem
eru sérstaklega á eftir tímanum. Þó eru þar undantekn-
ingar. I höfuðborg Suður-Karólínu voru skólar negranna
yfirleitt nýrri og betur búnir að tækjum en skólar hinna
hvítu. Valda því sambandslög, sem kveða svo á, að nýr
skóli, sem byggður er, skuli koma í stað elzta skóla hlutað-
eigandi fræðsluhéraðs, ella fær hann engan rekstrarstyrk.
Negraskólarnir í Karólínu voru elztir. Þess vegna eiga
negrarnir nú alla skóla, sem reistir hafa verið síðan um
1940.
Rétt er ef til vill að ég skjóti því hér inn, að ég leit svo
á, að ég gæti minna af því lært, sem lélegt er og á eftir
tímanum, þótt segja megi, að vítin séu til þess að varast
þau, heldur af hinu sem gott er og fullkomið. Ég lagði
því aðaláherzlu á að kynna mér góða skóla, þar sem
tækni og fræðsla var talin á háu stigi.
Eins og ég áður drap á, þá er víðast skólaskylda til
16—17 ára aldurs í Bandaríkjunum. Sökum þess að ung-
lingar eru skyldaðir til þess að sækja skóla, þá er talið