Menntamál - 01.10.1953, Side 39

MENNTAMÁL
105
HELGl ÞORLÁKSSON:
Enn í heimboði til Danmerkur.
Það telst varla í frásögur færandi, þótt íslendingur bregði sér utan.
Frá því um sumarmál og fram yfir veturnætur eru allir farkostir lofts
og lagar yfirfullir frá landi og að, og hvert farrými er fest með margra
mánaða fyrirvara. Það sætir raunar engri furðu, þótt bekkurinn sé
snemma selinn á Gullfossi okkar, svo góðar sem vistarverur eru þar og
allur viðurgerningur frábær. Það er unaður, sem aldrei gleymist að
sigla suður um höfin á sólbjörtum júnídegi. Þegar hlý hafgolan ber
angan óþekktra skóga að vitum farþcgarma á leið inn Skagerrak, þá
veldur eftirvæntingin andvöku. Ævintýrið er að verða að veruleika.
Það var regnsúld, þegar Gullfoss lagðist að bryggju í Kaupmanna-
höfn II. júní síðastliðinn, og 15 íslenzkir kennarar stigu þar á land
meðal annarra farþega. En það var sólarbros í augum hinna dönsku
gestgjafa, sem þar buðu okkur velkomin, og sólskin og bliða einkenndi
alla dvalardaga okkar í Danmfirku. Meðal danskra kennara — og raun-
ar marga annarra — eiga íslendingar nú aðeins hlýju að mæta. Af því
viðmóti eru þessi gagnkvæmu kennaraheimboð mótuð.
í þessari annarri heimboðsför íslenzkra kennara voru þátttakendur
Jressir:
Frá barnaskólum:
Auður Eiríksdóttir ,Reykjavík, Björn Daníelsson, Sauðárkróki, Gauti
Hannesson, Reykjavík, Halldór Sölvason, Reykjavík, Hermann Ei-
ríksson, Keflavík, Hjörtur L. Jónsson, Glerárjrorpi, Jóna Sveinsdóttir,
Siglufirði, Sigurður Eyjólfsson, Selfossi, Sigvaldi Kristjánsson, Rvík.
Frá framhaldsskólum:
Aðalbjörg Hólmsteinsdóttir, Reykjavík, Gestur Ólafsson, Akureyri,
Ilalldór Guðjónsson, Reykjavík, Helgi Þorláksson, Reykjavík, Þor-
gerður Þorgeirsdóttir, Reykjavík, Þórarinn Þórarinsson, Eiðum.
Frá Kennaraskólanum — brautskráðir nemendur 1953:
Eyjólfur Þ. Jónsson, Guðlaugur Torfason, Margrét Sigurþórsdóttir
og Sigriður M. Jónsdóttir.
' Danir buðu að vísu fimm frá Kennaraskólanum, en einn varð að