Menntamál - 01.10.1953, Page 19

MENNTAMÁL
85
í Syracuse með meira en 2000 nemendum, hringdi skóla-
stjóri brunabjöllunni fyrir okkur, til þess að sýna okkur,
hve skjótt mætti rýma þessa gömlu timburbyggingu. Á
tæpum 4 mín. voru allir komnir út. Enginn sást hlaupa,
allir gengu rösklega með kennara í broddi bekkjardeildar.
Daglegur kennslutími er víðast 6 klst. þar af er einni
stund varið til fimleika eða íþrótta. Algengast mun að
temja nemendum boltaleiki ýmsa og dans í stað leikfimi.
Þá munu flestir skólar gefa nemendum eina stund frjálsa
í viku hverri. Verða nemendur þá að vinna að tómstunda-
áhugaefnum. Sumir æfðu hljómlist eða leiklist, aðrir voru
við efna- eða eðlisfræðitilraunir. Margir drengir æfðu
boltaleiki, hnefaleik, frjálsar íþróttir, og aðrir lærðu að
búa til mat. Þeir, sem engin sérstök áhugamál höfðu, urðu
að lesa á bókasafninu undir umsjá bókavarðar.
Skólafélög nemenda eru víða mjög öflug og hafa stund-
um hrundið ótrúlega miklu í framkvæmd. Oft leita skóla-
stjórar samstarfs við nemendafélög, ef þeim þykir t. d.
framkomu nemenda eitthvað ábótavant, eða honum finnst
að skólinn ætti að hrinda einhverju í framkvæmd, en ekki
er fé til framkvæmdanna. Þá er oft tækifæri til þess að
sýna, að nemendur hafi lært eitthvað í skólanum. í sumum
skólum sáu nemendur um allt viðhald innanstokksmuna,
málningu á húsi og viðgerðir rafmagnstækja, svo nokkuð
sé nefnt.
Flestir skólar í Bandaríkjunum reka mikla auglýsinga-
starfsemi og áróður um starf sitt og samvinna við forráða-
menn nemenda er víða mjög náin.
Ég hef þegar verið alllangorður um skóla þar vestra,
og er þó að sjálfsögðu margt ósagt enn. Ég vil þó, frem-
ur en að fjölyrða meira um skóla þar vestra, benda á
nokkur atriði, sem athuga mætti, hvort við gætum notað
hér heima. Þar verður þá fyrst fyrir áherzla sú er lögð er
á uppeldisstarfið. Hér á íslandi er nú mikið kvartað undan
þroskaleysi og jafnvel siðleysi unglinga. Ættu skólar okk-