Menntamál - 01.08.1960, Síða 14

108
MENNTAMÁL
efnið ekki það vel undirbúið, að barnið geti leyst það án
hjálpar, hefur það ekki möguleika til að leysa verkefnið af
hendi. Barnið venst svo á kæruleysi og hættir jafnvel að
sækja skólann. Það er sérstaklega varasamt að ætla byrj-
endum verkefni, sem þeim gengur illa að leysa. Bezt er að
börnin venjist ekki á í byrjun að treysta um of á hjálp
annarra, heldur leysi verkefni sín sem mest af eigin
rammleik. Það er því mín skoðun, að heimavinnu eigi að
stilla mjög í hóf í 7 ára bekk og alveg sérstaklega framan
af vetri. 1 sænskum skólum er nær engin heimavinna 1.
skólaárið og í dönskum skólum sá ég oft settar fyrir fáein-
ar línur, og voru þær svo vel undirbúnar, að mörg börnin
hafa sjálfsagt næstum kunnað þær utan að. I Bandaríkj-
unum mun ekki tíðkast að setja fyrir heima fyrr en á 6.
skólaári.
Lestrarnámið.
Þær námsgreinar, sem standa á stundatöflu 7 ára barna
eru lestur, skrift og reikningur. Ég skal nú í sem fæstum
orðum gera grein fyrir þessum námsgreinum.
Aðalviðfangsefnið er lestrarnámið. Engin leið er að
segja, hve langt eigi að komast í 7 ára bekkjum, og verður
af eðlilegum ástæðum mjög misjafnt. Mikill tími er ætlað-
ur til lestrarnáms í 8 og 9 ára bekkjum. Það barn, sem kem-
ur vel læst upp úr 9 ára bekk, tefst ekki við annað nám
vegna lestrarins. En reynslan hefur sýnt, að nokkur hluti
barna nær ekki tökum á lestrarnámi í 7 ára bekkj um og vís-
ast hér til þess, sem sagt hefur verið um skólaþroskaprófin.
Þær lestraraðferðir, sem nær eingöngu hafa verið not-
aðar hér á landi, eru stöfunaraðferðin og hljóðaðferðin.
Þessar aðferðir eru mjög skyldar. Þær byggja báðar á að
tengja orðin saman, með stöfunaraðferðinni eftir nöfnum
stafanna, með hljóðaðferðum eftir hljóðgildi þeirra. Hér í
Laugarnesskólanum hefur hljóðaðferðin verið ríkjandi í
mörg ár. Á námskeiði, sem haldið var í haust fyrir kenn-