Menntamál - 01.08.1960, Side 17

menntamál
111
fara með lágar tölur. Á því byggist allt reikningsnám
síðar. Það er álit margra kennara, að í yngstu bekkjunum
sé yfirleitt ekki nógu vel gengið frá undirstöðuatriðun-
um. Þegar reikningsnámið þyngist verði börnin hvorki
eins fljót né örugg og þau ættu að vera.
Við höfum verið illa sett með kennslubók í reikningi
fyrir byrjendur. Sú bók, sem ríkisútgáfan leggur til, er að
mörgu leyti óheppileg og alls ekki miðuð við þær náms-
kröfur, sem gerðar eru í 7 ára bekkjunum. Það gerir aftur
á móti reikningsbókin Ég get reiknað eftir Jónas B. Jóns-
son fræðslustjóra. En sá galli er á, að hana verður
að kaupa, þar sem hún er ekki á vegum Ríkisútgáfunnar.
1 reikningi þurfum við að leggja mikla áherzlu á að
kenna talnahugtökin. Á töflunni eru notaðar einfaldar
myndir, en annars smáhlutir. Það má nota eldspýtur, smá-
kubba o. m. fl. Það blekkir oft bæði foreldra og kennara, að
börn geta talið miklu hærra en þau skilja hvað bak við töl-
urnar felst. Byrjendakennsla þarf því að vera hlutlæg, og
sennilega ættum við að nota hugarreikning miklu meira en
almennt er gert. Margir danskir kennarar nota mestan
hluta reikningstímans til hugarreiknings og að láta börn-
in skilja, hvað bak við tölurnar liggur, en taka svo smá-
stund í lok tímans í skriflegan reikning.
Það tekur oft langan tíma og kostar mikið erfiði að fá
börnin til að skrifa sæmilega tölustafi. Mjög algengt er
að þau snúi stöfunum við eða skrifi þá nær ólæsilega. Mér
hefur gefizt bezt að æfa tölustafina vel, áður en byrjað er
að ráði á skriflegum reikningi. Þá þarf ekki að eyða mestu
af orkunni í að skrifa stafina eða í umhugsun um lögun
þeirra. Þó að ég fái sæmilega duglega bekki, læt ég þá
yfirleitt ekki reikna neitt að ráði heima fyrir jól, og byrj-
endabekki læt ég lítið reikna fyrr en í nóvembermánuði.
Ég held, að ekki sé hægt að finna mikinn mun að vorinu,
hvort börnin hafa byrjað að reikna einum eða tveimur
mánuðum fyrr eða seinna. Litið þroskuð börn eiga yfir-