Bjarmi - 01.12.1929, Síða 22
230
B J A R M I
lutherskrar kirkju að sjá um að þetta
blessaða smákver fái að njóta sin á
heimilum, skóla og kirkju, og óskar
sjerstaklega að því takist alstaðar að
ná því sæti og halda því sæti í krist-
indómskenslu skólanna, sem þvi ber
eftir eðli sínu og þýðingu,
III, Bróðurkærleikur og hjálpsemi.
Lútherska alþjóðaþingið, er lætur
sjer ant um að efla samfjelag lút-
herskra kirkna í trú og játningu,
telur biýna nauðsyn til að sami fórn-
fúsi kærleikurinn, sem svo fagurlega
birtist um og eftir ófriðinn, haldist
við og láti til sin taka. I5að biður
innilega alla lúthersk-kristna menn
að þreytast ekki að sýna trúbræðr-
um sinum slika kærleikshjálp fram-
vegis.
Þegar litið er á erfiðleikana, sem
margar lútherskar kirkjur eiga við að
búa, þá telur alþjóðaþingið nauðsyn
á skipulagsbundinni hjálparstarfsemi
og felur framkvæmdarnefndinni, er
undanfarin ár hefir stjórnað henni
drengilega, að halda þvf starfi áfram
og gera þær ráðstafanir því viðvíkj-
andi, sem hentugastar þykja, í sam-
vinnu við þau fjelög, sem þegar starfa
í þá átt.
IV. Efling einingar meðal lútherskra
kirkna.
Þar sem II. lútherska alþjóðaþing-
ið telur samfjelagið um trú og játn-
ingu, sem þegar á sjer stað, hinn sanna
og eina grundvöll að einingu hinna
ýmsu lúthersku kirkjufjelaga, og lif-
andi vitnisburð um þessa sameigin-
legu trú besta, og í rauninni eina
áhrifarika ráðið til að efla meðvitund
og framkvæmd þessarar einingar, þá
felur það framkvæmdarnefndinni að
gera ráðstafanir til að margskonar
kirkjuleg starfsemi trúarlífsins kynnist
áþekku starfi og öðrum högum ann-
ara lútherskra safnaða, svo að við-
kynning og lifandi vitnisburður geti
orðið gagnkvæm leiðbeining og upp-
hvatning. Þingið bendir þá sjerstak-
lega á þessar ráðstafanir: innbirðis
heimsóknir kirkjumála-leiðtoga, skipu-
lagsbundna fræðslu hjá lútherskum
blaðfregnastöðvum, bókmentir og fjár-
hagsstuðning til guðfræðisstúdenta
úr fámennum kirkjufjelögum, að þeir
geti stundað nám við höfuðskóla
lútherskrar kirkju.
V. Úrlausnarefni þjóðmála.
Alþjóðaþingið felur framkvæmdar-
nefndinni að taka afstöðu lútherskrar
kirkju tíl vandamála þjóðskipulags
vorra tíma til rækilegrar meðferðar.
En skorar þó jafnframt á öll lúthersk
kirkjufjelög, að beita sjer til heppi-
legrar úrlausnar þeirra mála og boða
þannig starfandi kristindóm í anda
fagnaðarerindisins á öllum sviðum
raunveruleikans.
VI. Hátið Ágsborgarjátnlngar.
Viðvíkjandi 400 ára minningarhátíð
Ágsborgarjátningar (að ári) ályktar
ályktananefndin samkvæmt áskorun
dr. Behms, landsbiskups, að leggja
þessa tillögu fyrir forseta alþjóða-
þingsins:
II. Alþjóðaþingið minnist þeirrar
staðreyndar að árið 1930 er 400 ára
minningar ár Ágsborgarjátningar. Það
þakkar Guði, Drotni vorum, fyrir
þessa játningargjöf, er hann hefir
veitt lútherskri kirkju. Þingið telur
alveg sjálfsagt að lúthersk kirkja um
allan heim sje sammála um að þakka
fyrir þennan játningar-grundvöll, sem
hún er reist á, svo að við það styrkist
einingarbandið meðal hennar.