Heima er bezt - 01.01.1957, Qupperneq 17

útborgaðan, ef lánskjöl eru í lagi. Virðing þarf ekki
að fara fram á íbúðarhúsi, sem byggt er eftir upp-
drætti, en teiknistofan lætur mönnum í té prentuð
spurninga-eyðublöð, sem byggingarnefnd hlutaðeigandi
hreppa útfyllir. Lánið er svo borgað út smátt og smátt,
eftir því sem verki miðar áfram, samkv. eyðublaðavott-
orðum, og gengið frá fullnaðarláni, þegar húsið er full-
gert. Eftir það ber lánið lögbundna vexti, en af út-
borgunum, sem áður hafa farið fram, eru greiddir hærri
vextir.
Á teiknistofunni er jafnan fyrir hendi fjöldi upp-
drátta, sem gerðir hafa verið smátt og smátt, síðan
starfsemi skrifstofunnar hófst fyrir nálega 30 árum. Er
þar úr miklu að velja. Það mun vera alger misskiln-
ingur, sem stundum heyrist, að teiknistofan eða bank-
inn hvetji menn til að byggja stór hús eða geri það að
skilyrði fyrir lánunum. Þvert á móti munu þessir að-
ilar hafa áhuga fyrir því, að lántakendur reisi sér ekki
hurðarás um öxl.
VEÐDEILD.
Lán úr veðdeild eru veitt til 30 ára með 5 1/2%
ársvöxtum. Árgreiðslur eru nál. 7 % af lánsupphæð-
inni (6,8805). Hámarkslán undanfarin ár mun hafa
verið 35 þús. kr., en mjög oft mun lægri en það. Eins
og fyrr var sagt, eru veðdeildarlán fá, og eftirspurn
hvergi nærri fullnægt. Hins vegar hafa Byggingar-
sjóður og Ræktunarsjóður undanfarið yfirleitt getað
veitt þeim hændum lán til framkvæmda, sem um það
Bernharð Stefánsson, útibússtjóri, Akureyri.
hafa sótt, ef skilyrðum hefur verið fullnægt, þ. e.
lánskjöl í lagi o. s. frv. En óvíst er, hvort þetta tekst á
komandi árum, enda framkvæmdir og eftirspurn mjög
vaxandi.
Landnám ríkisins, sem hefur aðsetur í Búnaðarbanka-
húsinu, er í nánum tengslum við Búnaðarbankann, en
um starfsemi þess gilda sérstök lög, og til hennar er
veitt fé úr ríkissjóði samkvæmt þeim lögum. Land-
nám ríkisins veitir styrki til ræktunar á nýbýlum, en
lán eru veitt nýbýlingum úr deildum Búnaðarbankans
eftir sömu reglum og öðrum bændum, þegar nýbýli
hafa verið löglega stofnuð undir umsjón þeirra, sem
með landnámsmálin fara.
Landnámsstjóri er Pálmi Einarsson, fyrrv. jarðræktar-
ráðunautur Bf. íslands. Að öðru leyti verður nýbýla-
starfsemin ekki rædd hér, enda væri það langt mál.
FJÁRMAGN BÚNAÐARBANKANS.
Um fjármagn Sparisjóðsdeildar og hvernig það er
fengið og ávaxtað, hefur áður verið rætt. Þar er um
almenna bankastarfsemi að ræða. Öðru máli gegnir um
Byggingarsjóð, og Ræktunarsjóð. Fjármágns til þeirra
hefur verið aflað á hverjum tíma með sérstökum lög-
gjafarákvæðum og stjómarráðstöfunum, að öðru leyti
en því sem Sparisjóðsdeild hefur hlaupið undir bagga
með lánum, sem veitt hafa verið til bráðabirgða, en þó
Heima er bezt 15