Heima er bezt - 01.01.1957, Blaðsíða 11

og ræktunarsambandanna (beltisdráttarvélar og verk-
færi þau, er þeim fylgja). Auk þess á meira en helming-
ur bænda minni heimilisdráttarvélar, er hjálpa til að full-
vinna landið, jafnframt því, sem þær eru notaðar við
heyskap og fleiri heimilisstörf, þar sem þörf er mikillar
orku.
Bændur landsins og fjölskyldur þeirra og annað
starfsfólk leggja ár hvert á sig mikið erfiði, einkum
vor og haust, hver á sínu býli, við hina miklu upp-
byggingu í sveitunum. Vinnuframlög sveitafólksins,
sem það ver til þess að breyta ásýnd landsins og treysta
grundvöll framtíðarinnar, verða tæpast metin til verðs,
en nema áreiðanlega tugum milljóna á ári. íslenzkir
bændur á 20. öld breyta ekki eftir ráðum þess, sem
sagði: „Hvíldu þig, hvíld er góð.“ Fjöldi þeirra lifir
fyrir landnámshugsjón hins nýja tíma, og sparar við
sig hvíld og þægindi til þess, að sú hugsjón megi ræt-
ast. Og mörgum bóndanum er það ekki nóg að sjá
þessa hugsjón í framkvæmd á sinni eigin jörð. Honum
er ekki rótt nema nágrannarnir séu samferða og helzt
öll sveitin. Fagur vottur félagshyggju, sem samvinnu-
stefnan hefur þroskað í sveitunum. En vinna sveita-
fólksins nægir elcki til alls þess, er með þarf. Það þarf
að kaupa efni til bygginga og aðstoð við þær, einkum
kunnáttumanna. Það þarf líka að greiða vélunum kaup
við að breyta landinu, og mönnunum, sem vélunum
stjórna. Og það þarf að borga eldsneytið, sem fram-
leiðir vélaorkuna o. s. frv. Hér kemur til sögunnar jarð-
ræktarframlag ríkisins, sem er mikill stuðningur, eink-
um við framræsluna. En það nægir þó engan veginn
til þess að sjá fyrir því fjármagni, sem koma þarf til
viðbótar vinnu heimamanna, enda er það ekki greitt
út á sumar dýrustu framkvæmdir, t. d. íbúðarhúsin og
peningshúsin. Þá er leitað til Búnaðarbankans, einkum
þeirra deilda hans, sem veita stofnlán til landbúnaðar-
framkvæmda, Byggingarsjóðs og Ræktunarsjóðs ís-
lands. An Búnaðarbankans hefði hin almenna uppbygg-
ing sveitanna síðustu þrjá áratugina ekki verið fram-
kvæmanleg.
Stofnun Búnaðarbanka íslands var ákveðin með lög-
um nr. 64, 27. júní 1929. Frumvarp til þessara Iaga var
lagt fyrir Alþingi sem stjórnarfrumvarp (þskj. 14) á
því ári öndverðu, og flutti þáverandi forsætis- og land-
búnaðarráðherra, Tryggvi Þórhallsson, framsöguræðu
ISLANDS
Að ofan: Haukur Þor-
leifsson, aðalbókari.
1 miðju: Svavar Jó-
hannsson, flt. i sparisj.
Að neðan: Sig.urður
Þórðarson, flt. i bókh.
Heima er bezt 9