Æskan - 01.01.1980, Side 7

♦.* Alt TRÉSINS 1980j^~\
I tilefni 50 ára afmælis Skógrækt-
arfélags íslands á þessu ári hefur
verið ákveðið að efna til átaks í
gróðursetningu trjáa hér á landi og
verður árið 1980 „Ár trésins".
Skógræktarfélag Islands var
stofnað á Þingvöllum Alþingishátíð-
arárið 1930.
Snemma árs 1979 ákvað stjórnin að
efna til sams konar átaks í gróður-
setningu trjáa hér á landi á afmælis-
árinu 1980. Samstarfsnefnd var sett á
laggirnar og hélt hún sinn fyrsta fund
22. maí sl. I nefndinni eiga sæti margir
aðilar sem að garðræktarmálum og
búnaðarmálum standa, auk sveitar-
félaga, ráðuneyta og ýmissa sam-
banda.
Með ári trésins er stefnt að ýmsum
verkefnum, m. a. að kynna trjárækt,
skógvernd og skógrækt á íslandi, að
kynna gildi skógræktar, trjáræktar og
hvers konar ræktunar trjáa og runna-
gróðurs. Einnig verður lögð áhersla á
þýðingu þess fyrir umhverfi hvers og
eins að rækta tré og þýðingu skjóls
fyrir alla ræktun, með tilliti til híbýla og
vellíðunar fólks. Þá er stefnt að því,
með ári trésins, að leiðbeint verði um
trjáplöntun í garða og skjólbelti, um
hirðingu trjáa og verndun þeirra, um
plöntun skógplantna og höfuðþætti í
skipulagningu trjágarða og skjól-
gerða. Þá leggur samstarfsnefnd um
ár trésins áherslu á að sem allra flestir
geti tekið þátt í trjárækt og skógrækt á
árinu með því að planta trjám eða
skógarplöntum eftir því sem aðstæð-
ur hvers og eins leyfa. Einnig leggur
nefndin áherslu á að einstaklingar
verði hvattir til að fegra á þann hátt í
kringum híbýli sín, og verði félög hvött
til fegrunar á sínum starfssvæðum.
Opinberir aðilar, sveitarfélög og aðrir
verði hvattir til að fegra á hliðstæðan
hátt svæði í kringum byggingar, svo
sem skóla og hvers konar þjónustu-
byggingar og mannvirki, svo og á
öðrum almenningssvæðum sem
liggja innan þeirra vébanda. Sam-
starfsnefndin væntir þess að ,,Ár
trésins 1980“ hljóti góðar undirtektir,
ekki síst þegar þess er gætt hve ís-
land er fátækt af trjá- og skógar-
gróðri, þó að reynsla sé á því fengin
að rækta megi hér fjölda trjá- og
runnategunda víðs vegar um land
með ágætum árangri.
(fcSHANfSS^
ÁETRESmS
» PKÝDIJM LANDII) PLÖMUM IIUAM «
5