Æskan - 01.01.1980, Síða 44
sem góðum grönnum sæmir.
Það er því engin tilviljun, að
Æskan hefur jafnan
rétt málefnum Sameinuðu
þjóðanna ,,örvandi hönd" og
góðan skilning. Að sjálfsögðu
hafa það fyrst og fremst verið
mannúðar- og mannréttinda-
mál, sem Æskan hefur borið
fyrir brjósti og einkum Barna-
hjalparsjóðurinn, UNICEF.
Börn okkar og barnabörn
munu vart erfa sæluríki á
jcrðu. En ef við höldum áfram
að brýna fyrir þeim „guðsótta
og góða siði“ og njótum til
þess stuðnings góðra tímarita
sem Æskunnar fer ekki hjá
því, að við færumst nær tak-
markinu, ,,að bjarga komandi
kynslóðum frá hörmungum
ófriðarins."
ívar Guðmundsson,
ræðismaður fslands
í New York.
Barnatíðindi óskum Æsk-
unni til hamingju með 80 ára
afmælið.
í Vági, Feroyum 24/11
1979.
J. Berg.
Emil Thomsen.
Hr. ritstjóri!
Öðru hverju ber mér fyrir
augu ykkar ágæta barnablað,
og ég hef alltaf gaman af að
skoða það. Mér er Ijóst, að fátt
þroskar börn og unglinga
meira en það að hafa aðgang
að lesefni vió sitt hæfi, og mér
sýnist Æskunni takast vel að
sinna þeirri þörf.
Mig hefur lengi dreymt um
að gefa út barnablað heima í
Færeyjum, en hef ævinlega
slegið því á frest, því ég veit,
hve gífurleg vinna það er að
halda úti slíku blaði.
Á þessum merku tímamót-
um í sögu Æskunnar langar
mig að senda ritstjóra og út-
gefendum blaðsins og öllum
lesendum hugheilar afmælis-
kveðjur ásamt óskum um
langa og bjarta framtíð.
Emil Thomsen,
bókaútgefandi,
Færeyjum.
Æskan er nú 80 ára, og það
er nokkuð langur mannsald-
ur. Það er einstætt þrekvirki,
að eitt félag, þótt það sé fjöl-
mennt geti gefið út barna-
tímarit í allan þennan tíma.
Þótt árin séu svona mörg þá
er blaðið alltaf ungt. Ég man
hve mér þótti gaman að fá
blaðið sent, þegar ég var lítill.
Blaðið hafði góðan umboðs-
mann á Stokkseyri, sem var
duglegur að koma blaðinu út
um sveitina.
Sumt af efni blaðsins
marglas ég, og gaman þótti
mér að skoða felumyndirnar.
Stundum fylgdi blaðinu kaup-
bætir og það þótti mér merki-
Þorvarður Magnússon.
legt og gott. Eitt sinn var
kaupbætirinn Kalda hjartað
eftir Wilhelm Hauff og var það
lesið upp til agna af mér og
krökkunum í hverfinu, þar
sem ég átti heima. Ég hef
alltaf lesið mikið af ævintýrum
og geri enn. Núna um daginn
las ég svo Kalda hjartað aftur
og mér fannst það gott enn.
Ég óska Æskunni langra
lífdaga og um leið þakka ég
núverandi ritstjóra Grími
Engilberts langt og gott starf
við blaðið. Einnig þakka ég
gömlu ritstjórunum, sem
störfuðu á undan honum,
hvort sem þeir eru lífs eða
liónir.
Þorvarður Magnússon.
• Lengsti skipaskurður heimsins
er Volgu-Eystrasaltsskurðurinn,
sem opnaður var í apríl 1965.
Hann er 2.300 km á lengd.
• Dýpsta náma heimsins er
Western Deep Levels Mine í
Carletonville ÍSuður-Afríku. Hún
var í maí 1975 orðin 3.840 metrar
á dýpt.
• Stærsti kastali heimsins er í
Halab (Aleppo) í Sýrlandi. Hann
er sporöskjulagaður og var upp-
runalega umgirtur múr. Að múr
þessum meðtöldum er kastalinn
375 m langur og 237 m breiður. (
núverandi mynd er kastali þessi
frá dögum Hamanide konungs-
ættarinnar á 10. öld.
Stærsta höll, sem enn er búið í,
er breska konungshöllin Wind-
sor Castle í New Windsor í
Berkshire. Hún er að mestu frá
12. öld og er 576X164.6 m að
grunnfleti.
Stærsti pýramídi og jafnframt
stærsta minnismerki, sem reist
hefur verið, er Cholulapýramíd-
inn í Cholula de Rivadahia í
Mexíkó. Pýramídi þessi er 54 m
hár og nær yfir 18 ha. grunnflöt.
Rúmmál hans er 3.300.000 m3,
og hann er allmiklu stærri en
E
VEIZTU ÞAÐ?
■
Keopspýramídinn, sem er
2.570.000 m3.
• BreiðastabrúíheimierCrawford
Street Bridge í Rhode Island í
Bandaríkjunum. Hún er 348.6 m
breið.
• Elstu vindmyllur heimsins, sem
sögur fara af, möluðu korn í
Persíu (l'ran) á 7. öld.
• Hæsti viti heimsins er úr stáli og
stendur við Yamashita-skemmti-
garðinn í Yokohama í Japan.
Vitinn er 106 m á hæð, og Ijós-
styrkur hans er 600.000 kerti.
Ljós hans sést úr 32 km fjarlægð.
38