Æskan - 01.11.1980, Side 70

RENNIFLUGA I
RENNIFLUGA
Á ÍSAFIRÐI
Fyrsta íslenska renniflugan var smíöuð af þeim
bræðrum Geir og Indriða Baldurssonum. Smíðastaður
var að Hverfisgötu 88 (og í portinu við húsið).
Smíðin hófst fyrripart sumars 1930. Engar teikningar
voru til heldur varfarið eftir myndum af öðrum flugvélum.
Grindin var öll úr viði (furu); vængir og stél klætt með
hörlérefti, sem síðan var lakkborió.
Smíðinni lauk í febrúar 1931, og þá var flugan reynd á
Tjörninni í Reykjavík. Hún var- dregin af Ford árg. 1928
(bílstjóri Björn V. J. Gíslason). Bíllinn náði ekki nógu
mikilli ferð á ísnum, svo að flugan aðeins skoppaði eftir
ísnum, en náði ekki flugi. Flugunni stýrði Helgi S.
Eyjólfsson.
Síðar var flugan reynd á Rauðavatni. Flugmaður þá var
Bergur G. Gíslason. Hún var dregin á loft af bíl (bílstj.
Björn Gislason og einnig Páll Sigurðsson á öðrum bíl).
Náðist góöferð og flugan fórá loft, en stakkst út á hlið og
á nefið. Flugan brotnaói mikið, en Bergur slapp ómeidd-
ur.
Ástæðan fyrir lakri flughæfni þessarar renniflugu var
of stuttir vængir.
BBBBHia&ataigigiaigiaigBnaigiaa
Veturinn 1931 —32 smíðaði Halldór Magnússon á ísa-
firði renniflugu. Högni Helgason hjálpaði Halldóri framan
af. Smíðin fór fram í tómum snjógeymi íshússins Jökuls,
sem þá var nýbúið að fá frystivélar.
Engar teikningar voru til að fara eftir, en byggt var á
upplýsingum og myndum í alfræðibók. Flugan var öll úr
viði (furu) og vængir klæddir með lérefti.
Halldór fór eina ferð fram af skíðastökkpalli eða
hengju, en flaug stutt, enda veðurskilyrði óheppileg.
Sviptivindur braut annan væng flugunnar og skömmu
síðar skemmdist hún einnig mikið við að grafast ífönn og
var hún þá úr sögunni. Því miður er engin mynd til af
þessari flugu. v
Halldór (síðar prentari í Reykjavík) smíðaði ekki fleiri
flugvélar, en hann smíðaði lausan væng (1933) sem nota
mátti við skíðastökk. Tveir menn auk Halldórs notuðu
hann og gekksæmilega, þótt varla væri um flug að ræða.
Athugasemd: Hvað varðar myndir af væng Halldórs og
myndir af fyrstu svifflugunum, vísast til Annála íslenskra
flugmála 1931—1936.
RENNIFLUGAII
GRUNAN9
Bræðurnir Geir og Indriði Baldurssynir smíðuðu aðra
renniflugu, nú eftir teikningu, sem Helgi S. Eyjólfsson
færði þeim frá Kanada. Var hún líklegast af geróinni
Zöglingen (eða Nordrup). Smíði hennar hófst 1931 að
Hverfisgötu 88, en einnig var unnið að smíði hennar í
tómri laug Sundhallarinnar. Smíðinni lauk 1936 og á
þessa renniflugu fengu félagar Svifflugfélags íslands að
æfa sig á meðan á smíði fyrstu renniflugu félagsins stóð
(í húsi atvinnudeildar Háskólans og síðar í Þjóðleikhús-
inu). Þeir Geir og Indriði höfðu umsjón með smíði þess-
arar renniflugu Svifflugfélagsins, en annars unnu fé-
lagsmenn sjálfir að verkinu.
Þessari annarri renniflugu þeirra Geirs og Indriða var
talsvert flogið í Vatnsmýrinni (skotið á loft með teygjum),
og reyndist hún vel, enda smíðuð, klædd og lakkborin
eftir kúnstarinnar reglum.
(Myndina tók Ólafur Árnason í Vatnsmýrinni 1937).
Þetta var fyrsta rennifluga Svifflugfélags íslands. Hún
var smíðuð veturinn 1936—37 af félögum í Svifflugfé-
laginu með aðstoð Geirs og Indriða Baldurssonar.
Þessari renniflugu var allmikið flogið, en hún var tekin
úr notkun 1940.
Þessari svifflugu var fyrst flogið hér af Þjóðverjanum
Ludwig 3. júlí 1938, en sama dag flugu henni íslending-
arnir Björn Jónsson, Helgi Filippusson, Kjartan Guð-
brandsson, Leifur Grímsson, Sig. Steindórsson og Haf-
liði Magnússon. Flugtaksstaður var Sandskeið.
ZÖGLING 35
56
ÆSKAN — Aldrei stendur verr í mönnum en þegar þeir
verða að kyngja ummælum sínum