Almanak Ólafs S. Thorgeirssonar - 01.01.1942, Page 64

62
ÓLAFUR S. THORGErRSSON:
eg því með nokkrum orðum minnast helztu æfi-
atriða þessa merkisbónda og héraðshöfðingja.
Halldór Árnason var fæddur — má segja við
hið yzta haf — á Sigurðarstöðum á Sléttu 3. okt.
1851. Foreldrar hans voru hjónin Árni Halldórs-
son frá Brekku i Núpasveit og Guðný Skúíadóttir
Björnssonar frá Yztuvík; móðir hennar var Guð-
rún Jóhannesdóttir frá Draflastöðum í Fnjóskadal.
Árni var seinni maður Guðnýjar, hún var áður
gift Guðmundi Gotskálkssyni og var sonur þeirra
Guðm. G. Nordman, er var myndarbóndi í nábýli
við Halldór í Argyle-bygð um 50 ár. Árni dó 37
ára gamall, þá var Halldór 4 ára. Hann ólst upp á
Sigurðarstöðum með móðir
sinni til fullorðins ára, hann
var langt yfir meðalmensku
alþýðumanna hafinn, og bar
strax á því, að hann var
framgjarn og atorkusamur
og útþráin heillaði hann, og
var hann með fyrstu vestur-
förum. 1873 flutti hann til
Canada ásamt Skúla bróður
sínum. Voru þeir tvíburar
og var mjög kært með þeim.
Halldór var fyrst í Parry
Sound og Collingwood í On-
tario, en um haustið fóru
þeir bræður til Wisconsin og
voru þar til 1876 og unnu
lengst bændavinnu, lögðu alla rækt við að læra
búnaðarstörf og komu sér vel. Var kaup hækkað
við þá við og við án þess þeir færu fram á launa-
hækkun. 1876 fluttu þeir til Nýja-íslands. Þar var
Halldór til vorsins 1881, að hann og þeir bræður
fluttu alfarnir til Argyle-bygðar. í Nýja-íslandi
reistu þeir bræður bú að Bræðraborg við suður
takmörk nýlendunnar en fluttu síðar að Dverga-
steini. Skúli hafði að mestu umsjá með búinu en
Mynd tekin af Halldóri
i Wisconsin 1875 eða 6.