Muninn - 29.10.1987, Side 14

3BÍÓFÉLAG MA
Garpur
Sigurður Páll Sigurðsson. Þú ert blaðafulltrúi nýs félags hér í skólanum. Geturðu sagt mér
eitthvað um þetta félag?
Ja, ég vil nú byrja á því að leiðrétta starfsheiti mitt, ég er forstöðumaður fræðslu- og
upplýsingadeildar félagsins. Þetta félag heitir Þrjúbíófélag M.A. og markmið félagsins er að efla
þroska einstaklingsins og hæfni til að skynja meistaraverk kvikmyndasögunnar.
I hverju verður starfsemi ykkar fólgin í vetur?
Ja, vetrarstarfið verður í því fólgið að farið verður á allar þrjúbíósýningar niðri í Borgarbíói.
Þannig að þið vonið að þrjúbíósýningar verði sem flestar í vetur?
Já, að sjálfsögðu.
FéVÍMA
Félag vinstrimanna í M.A.
Eiríkur Sigríðarson Jóhannsson
Eiríkur Sigrxðarson Jóhannsson er formaður FéVÍMA.
Hvað er FéVÍMA?
Það er, hvað eigum við að segja, félag vinstrimanna í MA.
Hvernig byggist starfsemi ykkar upp?
Starfsemin byggist upp á því að fræða félagsmenn um vinstri stefnur, og þær eru eins og alþjóð
veit klofnar í margar áttir. Þegar við komum saman tölum við um vinstri arm stjórnmálanna eins
og þau horfa við okkur nú á tímum. Einnig munum við leitast við að fá í heimsókn virta
vinstrimenn og jafnvel halda kappræðufundi. (Sorrí Eiki).
aw