Kirkjuritið - 01.12.1950, Page 24

Jólasálmur,
Þeir ríku gull og gersimar
þér gefa, Jesú minn, —
en Ift með þóknun líka á
hinn litla peninginn.
Þeir vitru semja vísdómsrit
sem vitnisburð um þig, —
en eg get aðeins þakkað þér
að þú vilt blessa mig.
Og þeir, sem eiga veg og völd,
fá veldissprota þér,
en eg á aðeins eina bæn:
að ást þín stjórni mér.
Og þeir, sem eiga háa höll,
þér húsrúm bjóði sitt, —
en eg á ekkert — ekkert skjól, —
jú, aðeins hjarta mitt.
Þér opna’ eg hlið míns hjarta' og bið:
Kom hingað, drottinn minn.
Sjá, litla, breyzka barnið þitt
þig býður velkominn!
VALD. V. SNÆVARR.