Kirkjuritið - 01.12.1950, Síða 84

Kirkjulegar alþjóða stofnanir í Genf,
Borgin Genf í Sviss er víðfræg mjög fyrir hinar mörgu
alþjóðlegu stofnanir, sem þar hafa aðsetur. Mér hafði lengi
leikið hugur á að heimsækja þessa borg, og í sept. s.l. gafst
mér loks tækifæri að dvelja þar um stundarsakir.
Fegurð borgarinnar er ógleymanleg. Hún stendur á bökkum
Genfarvatnsins, sem oftast er spegilslétt og svo ótrúlega tært,
að í botn sést á allmiklu dýpi, og eru hinir fegurstu trjálundir
meðfram vatninu og á hólmum í því. Umhverfis vatnið er
fjöldi gistihúsa og annarra stórbygginga, og þegar borgin er
uppljómuð að kvöldi til, speglast ljósadýrðin í vatnsfletinum,
svo að allt verður eitt töfrandi ljóshaf.
Þá er umhverfi borgarinnar ekki síður fagurt og tignarlegt,
með snævi þakta tinda Alpafjallanna í fjarska.
í þessari borg hafði Þjóðabandalagið aðsetur, meðan það var
við lýði, og þar blasir við hin mikla höll Þjóðabandalagsins,
þar sem lagður var grundvöllurinn að samvinnu þjóðanna, þó
að þessi fyrsta tilraun færi út um þúfur, eins og kunnugt er.
Engum dettur þó í hug, að starf Þjóðabandalagsins hafi verið
til einskis, heldur er það merkilegur liður í þróun þeirrar
alþjóða samvinnu, sem er hið mikla nauðsynjamál allra þjóða.
í Genf eru einnig merkar kirkjulegar alþjóðastofnanir, og
vil ég þá fyrst nefna Lútherska Alheimssambandið (Lutheran
World Federation), sem hefir aðsetur í 17, Route de Malagnou.
Bygging þessarar stofnunar er að vísu ekki stór, en þar eru
skrifstofur hinna ýmissu deilda starfsins. Hefir stofnunin sam-
band við lútherskar kirkjur í flestum löndum. Er hér um að
ræða mjög víðtæka fræðslu og kynningarstarfsemi og hjálpar-
starf í ýmsum myndum. Sérstaklega hefir mikið hjálparstarf
verið unnið meðal flóttafólks frá A.-Evrópu, en flóttamanna-
vandamálið er nú ef til vill mesta vandamál nútímans. Pots-
dam samkomulagið, sem gert var milli stórþjóðanna í stríðs-