Kirkjuritið - 01.12.1958, Blaðsíða 35
KIRKJURITIÐ
465
Séra Björn vígðist 6. okt. 1907. Það var síðasta prestsvígsl-
an, sem Hallgrímur Sveinsson biskup framkvæmdi. Með trú
i hjarta gekk séra Bjöm að störfum í Guðsríki. Við postulana
var sagt: „Farið og gangið fram og talið í helgidóminum öll
þessi lífsins orð.“ Af nógu er að taka. Hvílík uppspretta: Öll
þessi lífsins orð.
1 þessu er prestsstarfið fólgið: Taka á móti lífsins orði, geta
fagnandi sagt: Orð Drottins kemur til mín.
En þetta orð á einnig að ná til annarra. Sú þrá er brenn-
andi hjá góðum presti. Með þessa þrá í hjarta gekk séra Björn
að heilögu starfi, og verk sín vann hinn hægláti, hógværi
maður með einlægri trú, hlýðinn orðinu, er segir: „Haf þú
trú og góða samvizku“. Hvílík gjöf, er þessi orð ná að hjarta
prestsins: „Ekki gaf Guð oss anda hugleysis, heldur anda mátt-
ar og kærleika og stillingar.“
1 anda þessara orða starfaði séra Björn. Sú minning geym-
ist hjá þakklátum sóknarbörnum. Dagfar hans stjórnaðist af
því hugarfari, sem tekur á móti himneskum fjársjóði.
Séra Björn var bæði prestur og kennari. Honmn var yndi
að því að auðgast að þekkingu og veita öðrum fræðslu. Hann
vígðist að Tjörn á Vatnsnesi, var síðar prestur að Görðum
á Álftanesi, í Reynistaðarklaustursprestakalli, í Bergsstaða-
prestakalli og á Auðkúlu um 30 ára skeið. Prófastur var hann
í Húnavatnsprófastsdæmi. Auk þessa vom honum mörg trún-
aðarstörf falin og það sást, að hann var vandanum vaxinn
og vildi i öllu efla annarra heill. Er ég minnist þessa vinar,
nem ég staðar við þessi orð: „Auðsýnið i trú yðar dyggðina
og í dyggðinni þekkinguna.“
Séra Bjöm talaði orð Guðs í helgidóminum. En hann fór
einnig til sóknarbamanna, var kærkominn gestur á heimil-
um þeirra. Hann lét starf sitt stjórnast af þessari áminningu:
„Fagnið með fagnendum, grátið með grátendum.“
Ég hugsa um helgidóminn og heimilin. En ég hugsa um
leið um heimilið. Hvílík gjöf frá Guði að geta sagt: „Hér á
ég heima.“
30