Kirkjuritið - 01.12.1958, Blaðsíða 38
468
KIRKJUIUTIÐ
gríms, gjöf frá dr. Arne Muller. Altariskönnu úr silfri frá
nokkrum konum. Guðbrandsbiblíu ljósprentaða frá Litho-
prent. Vandað harmóníum frá Lofti Bjarnasyni útgerðar-
manni og konu hans. Passíusálmana í útskornu skríni frá
Snæbirni Jónssyni bóksala og systkinum hans. Annað ein-
tak ljósprentað í skrautbandi frá Gísla Magnússyni bónda á
Brekku og konu hans.
Af eldri munum má sérstaklega geta róðukross, er staðið
hefir á altari kirkjunnar þegar löngu fyrir daga Hallgríms
Péturssonar.
Það er þrekvirki mikið að hafa reist þessa prýðisfögru
kirkju, ekki sízt þegar þess er gætt, hve fámennur söfnuður
hennar er. Og þrátt fyrir svo mikið átak er fjárhagur hennar
góður. Hún á í sjóði rúmar 41000 kr., og aðra fjárhæð jafn-
mikla, sem ætluð er á sínum tíma til kaups á pípuorgeli.
Þennan sérstaka sjóð stofnuðu börn Bjarna Bjarnasonar bónda
á Geitabergi og Sigríðar Einarsdóttur konu hans. Hefir sókn-
arpresturinn, séra Sigurjón Guðjónsson prófastur, stjórnað
málum kirkjunnar farsællega af mikilli þrautseigju og brenn-
andi áhuga.
Sama dag var vísiteruð Leirárkirkja, er fengið hefir á seinni
árum gagngera endurbót. Hún á ýmsa góða gripi, m. a. stór-
an kaleik og patínu úr silfri, og er hvort tveggja gjöf frá
Magnúsi Stephensen.
Um kvöldið kom biskup í Sumarbuðir K.F.U.M. í Vatna-
skógi og átti bænastund með æskumönnunum í litlu og fal-
legu kapellunni þeirra.
Daginn eftir vísiteraði biskup kirkjurnar 1 Akranespresta-
kalli. Hefir staðið kirkja að Innra-Hólmi allt frá landnáms-
öld; er vonandi, að svo megi jafnan haldast. Er staðurinn
einn hinn helgasti í kristnisögu vorri líkt og Kirkjubær á
Síðu, þar sem jafnan bjuggu kristnir menn. Kirkjan var end-
urbætt fyrir fáum árum. Af munum hennar má einkum
nefna altaristöflu, málaða af Jóhannesi Kjarval. Kirkjan á
Akranesi þótti fegurst kirkna í Borgarfjarðarprófastsdæmi,
þegar hún var reist, 1896. Og enn sómir hún sér hið bezta.