Kirkjuritið - 01.12.1958, Page 5
KIRKJURITIÐ 435
slóðir staðfesta þá trú sína, að orðið var Guð, og orðið varð
hold og bjó með oss.
Þegar klukkur kristinna landa hringja inn heilög jól,
krjúpa milljónimar fyrir þessu mikla undri, krjúpa við jöt-
una í Betlehem, sem orðið hefir að hinu skæra ljósi í skamm-
degismyrkrunum, ljós í myrkri veröld fallins mannkyns.
Fagnaðarefni jólanna er stórfenglegt. Engin jarðnesk dýrð
hefði getað hæft þeim mikilleika. Jatan í fjárhúsinu var þar
eins vegleg og nokkuð jarðneskt getur verið, ef til vill veg-
legri en allt annað, af því að hún er svo óskyld öllu jarðnesku
tildri. 1 auðmýkt hjartans beinum vér þvi sjónum vorum að
jötunni, og rifjum upp fyrir oss hina helgustu sögu allra
sagna.
I jötunni liggur Messías, hinn langþráði lávarður, sá sem
Guð gaf fyrirheitið um í árdögum mannkyns. Hann er fædd-
ur af föðurnum frá eilifð, „Guð af Guði, ljós af ljósi, sannur
Guð af sönnum Guði“. eins og segir í Niceujátningunni, hinu
mikla einingartákni allra kirkjudeilda. Hina raunverulegu
merkingu þessara orða eigum vér að vísu erfitt með að skilja,
en þau fela í sér, ekki síður en upphaf Jóhannesarguðspjalls,
heim fullan af ljósi og lífi, sem á jólunum verður vor eign
og vor hamingja, hvað sem öllum útskýringum liður. Ofar
öllu er sú staðreynd, að sá, sem á jólunum fæddist, hefir ver_
ið til frá öndverðu, frá eilífð, en varð raunveruleiki í lífi
mannlegra kynslóða með því að gerast sjálfur maður. Frá
himni sínum og dýrð sinni gekk Guðs sonur inn í heim hins
mannlega, inn í tíma og rúm hinnar jarðnesku tilveru, inn
á spjöld sögunnar, svo að saga hans samtvinnast vorri eigin
sögu. Konungur eilífðarinnar varð bam hins jarðneska tíma
eins og vér. Hann fæddist inn í mannlega fjölskyldu, til þess
að kjör hans yrðu sem annarra jarðarbarna. Guð valdi fjöl-
skyldu sem farveg frelsisins og hjálpræðisins. Af þeirri guð-
legu ráðstöfun á allt fjölskyldulíf að helgast. Það er því ekki
út í bláinn, að jólin em á sérstakan hátt hátíð fjölskyldna
og heimila.
Fyrsta fæðing Guðs sonar var fæðing hans af föðurnum