Kirkjuritið - 01.10.1959, Side 33

KIRKJURITIÐ 367
andlegum (svo sem opinberum skriftum) og veraldlegum (t. d.
fangelsisvistum).
Kalvín átti meira skylt við spámenn ísraels bæði í boðskap
sínum og safnaðarstjóm en Luther og Zwingli. Hann gerir eins
og spámennirnir þá meginkröfu, að menn sýni trú sína í verki.
Brandur Ibsens er að mörgu leyti í ætt við hann. Þótt oss virð-
ist strangleikinn keyra fram úr hófi bæði í trúarboðuninni og
siðferðiskröfunum, verður því ekki neitað, að Kalvínistar eiga
margt til síns máls, engu síður en við Luthersfylgjendur. Og í
breytni og framkvæmdum hafa þeir sizt staðið oss að baki.
Þessi Kalvínsminning getur m. a. rifjað það upp fyrir oss, að
kristindómurinn er ekki túlkun eins eða neins guðfræðings né
guðfræðistefnu, Drottinn Kristur er eins og Guð faðir hafinn
yfir alla guðfræði. Hver, sem leitar sannleikans um Jesúm Krist,
verður að biðja um leiðsögn Guðs anda og reyna að skilja frá-
sagnir og boðskap sjálfra guðspjallanna. Skýringarrit og hug-
leiðingar lærðra manna koma þar að miklu haldi. En fari menn
að trúa á einhvern leiðtoga eins og Lúther eða Kalvín, eru þeir
búnir að skapa sér nýjan páfa. Mér finnst rétt að viðurkenna
það hreinskilnislega, að ekki er vitað, að neinn hafi nokkru
sinni skilið Krist algerlega til fullnustu, hvað þá lifað fullkom-
lega kristnu lífi. En í öllum kirkjudeilum eru fjölda margir,
sem þrá það og gera sér sem mest far um að geta það. Og þeir
eru bezt kristnir, hvaða sérkreddur, sem þeir kunna að hafa.
Ég hygg, að Jóhann Kalvin hafi verið einn í þeirra hópi.
Viöey.
Ein þeirra hugmynda, sem iðulega hafa skotið upp kollinum
í viðræðum manna og eins í blöðunum, er sú, að gera eigi Viðey
að skemmtigarði og jafnframt gæta þar sögulegra minja. Mér
hefir líka fundizt þetta vera rétt og skylt, og undrast, að ekki
skuli þegar hafinn verulegur undirbúningur í þá átt. Vart getur
hjá því farið, að þetta hlyti fljótt að borga sig. Bæði eyjan sjálf
°g lega hennar er svo ákjósanleg til þessara hluta sem verið
getur. Ekki nema steinsnar út í hana, gróður mikill og enn betri
ræktunarskilyrði; umhverfið og útsýnið margbreytilegt og
undrafagurt. Og höfuðstaðinn vantar svona almennings sumar-
Paradís, hliðstæða t. d. Kew Gardens í Thamesfljóti, þótt með
allt öðru sniði væri.