Kirkjuritið - 01.12.1976, Side 7

Dr. theol.
flili Havas
Dr. Aili Havas, er hér var á ferð í vetur, er einn hinna merkari
kristniboða frá Norðurlöndum á þessari öld. Það mun trúlega
síðar betur Ijóst verða, því að hún er nú varla að sama skapi
kunn, sem starf hennar er merkt og ævi hennar öll næsta ein-
stæð. Hún lauk ung háskólanámi í guðfræði í föðurlandi sínu,
Finnlandi, en hélt síðan áfram námi við hebreska háskólann í
Jerúsalem og var þar nemandi hins kunna prófessors, Jósefs
Klausners. Hún var og er trúlega enn einhver mestur kunnáttu-
maður um hebresku, einkum nýhebresku, og trú og siðu Gyðinga.
eí frá eru taldir lærðustu menn Gyðinga sjálfra. Hún starfaði nærri
40 ár meðal Gyðinga í ísrael sem kristniboði á einhverju mesta
baráttuskeiði í aldalangri sögu þeirra. Naut hún þar í landi mik-
illar virðingar ýmissa áhrifamanna. Hún var og er mikilvirkur rit-
höfundur, en rit hennar hafa einkum birzt í finnskum guðfræði-
tímaritum og öðrum finnskum blöðum, er fjalla um kristniboð, og
sökum þess að finnska er heldur óaðgengileg útlendingum, hafa
þau lítt verið þýdd á aðrar tungur. Hún var kjörin heiðursdoktor
i guðfræði við Háskólann í Helsinki fyrir nokkrum árum og þótti
vel að því komin sakir lærdóms síns og ævistarfs.
245