Eimreiðin - 01.01.1957, Blaðsíða 20

4
EIMREIÐIN
hljótt um gerðir nefndar þeirrar, sem Rithöfundafélag ís-
lands kaus í nokkur ár til að úthluta fé til skálda og rithöf-
unda. Þar blönduðust inn í stjórnmálaleg viðhorf, og varð
af sundrung mikil og flokkadrættir. Loks væri synd að segja,
að ríkt hefði ánægja með- skömmtun hinnar þingkjörnu
nefndar, sem úthlutað hefur listamannalaunum síðustu 11 ár-
in. Voru óánægjuraddir sérlega háværar og margar sumarið
1956. Hafa og aftur og aftur komið fram á Alþingi frunt-
vörp til nýrrar skipanar þessara mála, en ekkert þeirra náð
fram að ganga. í 3. hefti Eimreiðarinnar 1956 skrifaði Sig-
urjón Jónsson rithöfundur langa ritgerð og skilmerkilega um
listamannalaunin og bar fram rökstuddar tillögur.
Annan október í haust skipaði Gylfi Þ. Gíslason mennta-
málaráðherra níu manna nefnd til þess að gera tillögur um
skipan slíkra launa, og síðari hluta janúarmánaðar skilaði
nefndin tillögum, sem hún stóð að sem einn maður. Ráð-
lierrann mun hafa ákveðið að bera fram á Alþingi frumvarp
til laga um listamannalaun, sem sé í allnánu samræmi við til-
lögur nefndarinnar. Þar eð hin nýja skipan, sem gert er ráð fyr-
ir, mun vekja mikla athygli meðal listamanna og allra þeirra,
sem láta sig listir nokkru varða, fékk Eimreiðin leyfi mennta-
málaráðherra til að birta tillögurnar, ásamt þeirri greinargerð
og þeim skýringum, sem fylgdu frá nefndinni.
Þess skal að lokum getið, að nefndin skrifaði ráðherra bréf
með tillögunum, þar sem hún fór fram á, að ef Bandalag
íslenzkra listamanna breytti þannig lögum sínum áður en
meðferð málsins væri lokið á Alþingi, að þeim félögum, sem
standa utan bandalagsins, gæfist kostur á þátttöku og áhrif-
um, hlutaðist ráðherrann til um þá breytingu á tillögunum,
að stjórn Bandalags íslenzkra listamanna yt'ði fjórði aðilinn
að kosningu ráðs þess, sem kjósa skal listráð, og fulltrúaráð
bandalagsins fengi aðild að kosningu úthlutunarnefndar, svo
að menntamálaráð kysi þá aðeins einn fulltrúa í nefndina.
Sarnvinna íslenzkra listamanna og samtök peirra.
Undanfarinn áratug hefur Bandalag íslenzkra listamanna
engan veginn svarað til nafns síns. Erá 1945 hafa rit-