Eimreiðin - 01.01.1957, Side 60

Gró^kan í kókmenntum
Færeyin^a
eftir Guðmund Gíslason Hagalín.
1.
Fyrir nokkrum árum fékk ég senda nýja færeyska ljóðabók.
Hún heitir Ung lög og höfundur hennar T. N. Djurhuus. Ég
las bókina og þóttist sjá, að þarna væri á uppsiglingu nýtt
færeyskt ljóðskáld, sem líklegt væri til að láta að sér kveða.
Mikil mál- og rímleikni, næm skynjun á fegurð og tign fær-
eyskrar náttúru, dreyminn, viðkvæmur og fleygur skáldhugur
og djúp lífsnautn, samfara næmri tilfinningu fyrir ógnum
dauða og tortímingar.
Það varð ekki úr, að ég skrifaði um þessa bók, en svo kom
að því, að mér barst önnur frá sama skáldi. Hún heitir Grein-
ar og er gefin út í Þórshöfn árið 1955. Þá er ég hafði lesið
þessa bók, þótti mér úr því skorið, að þarna hefðu Færey-
ingar eignazt nýtt góðskáld, og ég ákvað að láta verða af því
að geta bókarinnar og afla mér upplýsinga um höfund hennar,
svo að ég gæti kynnt hann að nokkru íslenzkum lesendum
um leið og skáldskap hans.
Tummas N. Djurhuus er fæddur í Kollafirði á Straumey,
skammt fyrir norðan Þórshöfn, 11. maí 1928, sonur Olivers
Djurhuus og konu hans Önnu Sofíu. Hún er af ætt hins fræga
Nolseyjar-Páls, en hann er kominn í beinan karllegg af hinu
þjóðlega sögu- og danskvæðaskáldi, Jens Christian Djurhuus
(1780—1860), sem orti hin kunnu kvæði Ormurinn langi, Sig-
mundar kvœði yngra og Leifs kvœði Össurarsonar. Sonur hans
var skáldið Jens Hendrik Djurhuus, höfundur kvæðisins Götu-
skeggjar. Öll þessi kvæði lifa á vörum Færeyinga enn í dag
og eru sungin fyrir dansi. Djurhuusættin er mjög fjölmenn