Eimreiðin - 01.09.1971, Page 60

Mangi grjót
Eftir
Jeppe Ákjær — Þorsteinn L. Jónsson íslenzkaði
Hver rær sér bak við byrgið
með bólgna reifa-hönd
og lepp fyrir öðru auga,
ei fötin heil né vönd?
Hann Mangi, er brautir brýtur,
en býr við skort og nauð,
þótt manndóm hafi mikinn,
sér mylur grjót í brauð.
Og mundu, ef að morgni
af mjúkum vaknar blund,
árla hamarshöggin
þú heyrir alla stund.
Hann Mangi er þá að mylja,
þótt mæði elli fót.
í klöppum kvikna gneistar,
er kempan mylur grjót.
Ef búast skjótt á brautu
þér býður þörfin nauð
um haust — og mætir manni
með augu vot og rauð.
Þá er það Mangi að mylja,
þótt mikill gaddur sé.
Gegn kulda varla verst hann
með vetrarbólgin hné.