Eimreiðin - 01.01.1972, Side 19

J.H.: Hér mætum við að sjálfsögðu því vandamáli, að sumir
eru tekjuhærri en aðrir. En ég álít, að unnt kynni að vera að
glima við málin á grundvelli neikvæðs tekjuskatts, sem svo hef-
ur verið nefndur. Hann felst í því, að við tryggjum það, að eng-
inn þjóðfélagsþegn, engin fjölskylda hafi tekjur fyrir neðan til-
tekið lágmark, og skiptum við okkur þá ekki af því, hvernig
fólkið notar tekjurnar. Fólk hefði frjálsar hendur um það, livers
konar opinbera þjónustu það notaði sér og greiddi hana þá fullu
verði eða því sem næst. Eins og nú hagar til, hefur valfrelsi
íólks verið skert, þar sem það greiðir lítið sem ekkert fyrir suma
þjónustu, en verður að greiða mikið fyrir aðra þjónustu.
— Hafa einhvern tíma komið fram tillögur um neikvæðan
tekjuskatt hér á landi?
J.H.: Það voru uppi hugmyndir um hann eða svipað fyrir-
komulag þegar á árinu 1964. Þá voru slíkar liugmyndir næsta
nÝjar af nálinni erlendis. Efnahagsstofnunin vann að gerð til-
lagna, sem lagðar voru fyrir ríkisstjórnina og sem hún var
eiginlega búin að fallast á. En þegar til átti að taka, reyndist
mikil andstaða gegn þessum hugmyndum í þingflokki Alþýðu-
flokksins, og ekkert varð úr öllu saman. Það var aftur á móti
meiri skilningur á þessum hugmyndum og nokkur hrifning með-
al sjálfstæðismanna. Þó grunar mig reyndar, að þegar til hefði
att að taka, hefðu sömu sjónarmið skotið þar upp kollinum, eins
°g i Alþýðuflokknum.
19