Ægir - 01.11.1983, Page 30

Þegar gerð var könnun meðal þátttakenda í
„World Fishing“ sýningunni í Kaupmannahöfn á s.l.
sumri, um hvar helst væri óskað eftir að næsta sjávar-
útvegssýning yrði haldin, létu margir þeirra í ljós
áhuga sinn á að hún yrði haldin á íslandi. Þegar leitað
var til íslenskra aðilja, er hagsmuna eiga að gæta á
þessu sviði, og þá sérstaklega sjávarútvegsráðuneyt-
isins, kom fram mikill áhugi fyrir því að þessi hug-
mynd næði fram að ganga og er nú ákveðið að næsta
„World Fishing“ sýningin verður haldin í Reykjavík
að tveimur árum liðnum.
Þeir íslenskir aðiljar sem standa að baki fiskveiði-
sýningunni eru: Sjávarútvegsráðuneytið, Fiskifélag
íslands, LÍÚ, Útflutningsmiðstöð iðnaðarins og
Fiskifréttir. Þó sýningunni sé fyrst og fremst ætlað að
kynna Islendingum það nýjasta sem á heimsmark-
aðnum er varðandi sjávarútveg, verður lögð mikil
áhersla á að laða að erlenda gesti.
Skipuleggjendur sýningarinnar er „Industrial and
Trade Fairs International Limited“, sem er leiðandi
fyrirtæki á þessu sviði og mun bera alla ábyrgð á fram-
kvæmd hennar.
A „World Fishing“ sýningunni sem haldin var í
Kaupmannahöfn í júní s.l. tóku þátt 425 fyrirtæki og
á sýninguna komu 9.526 gestir frá 57 löndum.
Samkvæmt bráðabirgðatölum mun heimsfiskaflinn
hafa aukist um 500.000 tonn á s.l. ári miðað við árið á
undan og er það mesti afli sem nokkru sinni hefur á
land borist, fyrr eða síðar. Mest varð aflaaukningin í
Suður-Ameríku, einkum í Perú, Chile, Argentínu og
Ecuador. Aftur á móti mun fiskafli hafa dregist
saman í hinum svokölluðu þróuðu löndum.
Japanir voru sem áður með mestan afla, eða um
10,8 milljónir tonna og næstmest veiddu Sovétmenn.
9,5 milljónir tonna. Talið er að afli Kínverja hafi í
fyrsta sinn farið yfir 5 milljónir tonna á s.l. ári. Næstir
í röðinni eru Bandaríkjamenn og Chile-búar með
tæplega 4 milljónir tonna, en af Efnahagsbandalags-
löndunum varð Danmörk í efsta sæti með tæplega 2
milljónir tonna.
Aðalkostnaðurinn við útgerð fiskiskipa liggur í
olíukaupum og því mikið í húfi ef hægt er að spara á
því sviði. Það er löngu þekkt staðreynd að stór skrúfa
á hægum snúningshraða gefur betri nýtingu en lítil
sem snýst hratt.
í sumar var nýr skrúfubúnaður settur í norska skut-
togarann „Myrefisk 11“ sem er 52 m langur, búinn
2100 ha Wichmann vél. Upphaflega skrúfan var
fjögurra blaða, 2.05 m í þvermál og snúningshraði
hennar var 375 sn/mín. í staðinn var sett fjögurra
blaða skrúfa, 2.7 m í þvermál og öxullinn tengdur
aðalvél með niðurfærslugír sem minnkaði snúnings-
hraða hennar niður í 185 sn/mín.
Fyrir og eftir skrúfuskiptin voru gerðar mælingar á
olíueyðslu togarans og miðað við að hann væri 270
daga á sjó, komu fram þær niðurstöður er taflan hér
að neðan sýnir.
Upprunalegur Nýr
skrúfubúnaður skrúfubúnaðl>r
Hestafla- Olfueyðsla Hestafla- Olíuey *
Mílur klst. notkun tonn á ári notkun tonna'
Full ferð 12,5 675 1.750 189 1.300 136 790 21 n
Togferð 3,5 5.525 1.300 1.113 870
Köstun 9,0 150 1.100 26 850
Hífing 0,5 150 1.000 24 670
Samtals olíueyðsla á ári: 1.352 964
Taflan sýnir að 388 tonn af olíu sparast á ári í þessu
tilfelli, eða 28,7%, en samkvæmt upplýsingum sem
borist hafa frá „Myrefisk 11“, frá því hann hóf veiðar
með nýja skrúfubúnaðinum, mun sparnaðurinn vera
ennþá meiri. Ennfremur jókst hraði skipsins miðað
590-ÆGIR