Ægir - 01.11.1983, Page 31

Við fulla ferð um 0,8 sjómílur og togkrafturinn um 8
tonn. Einnig dró mikið úr vélarhávaða og hristingi á
skipinu þar sem hestaflanotkunin er minni.
Reiknað er með að fjárfestingin við að setja hinn
nýja skrúfubúnað í „Myrefisk 11“ muni skila sér á 2-3
árum, en útlagður kostnaður við þetta verk nam 1,8
milljónum n.kr. (um 6,8 millj. ísl.kr.).
í hinum árlega leiðangri Norðmanna til rannsókna
á fjölda og útbreiðslu fiskseiða, sem farinn var í
ágúst-sept. s.l., fannst meira magn af seiðum nytja-
fiska, en um langt árabil. Hvað þorskseiðin varðar þá
fannst meira magn en í leiðangrinum 1975, en sá
þorskárgangur hefur haldið uppi veiðum hin síðari ár.
Sama er að segja um ýsuseiðin, hrygningin virðist
hafa tekist betur en nokkru sinni síðan 1975.
I skýrslu leiðangursins kemur fram, að meðaltals-
hitastig sjávarins á aðaluppeldisstöðvum nytjafiska
Norðmanna, sem eru í Barentshafinu og þar um
kring, hefur hækkað frá 0,7° upp í 1°, miðað við lang-
tímamælingar, sem er e.t.v. skýringin á hinu vel-
heppnaða klaki á þessu ári.
Saltfiskframleiðendur í Noregi eiga um þessar
mundir við mikla erfiðleika að stríða, ekki síður en
starfsbræður þeirra hérlendis. í lok september s.l.
höfðu verið flutt út rúmlega 30.000 tonn af saltfiski,
eða um 6.000 tonnum minna en á sama tímabili í fyrra.
Aðalsöluerfiðleikarnir hafa verið á Brasilíu-
markaðnum, en hann hefur tekið við allri þeirri löngu
sem söltuð hefur verið og 2/3 af keilunni.
•
Breski fiskiskipaflotinn landaði á s.l. ári 783.400
tonnum, sem er 5% meiri afli en landað var 1981, og
er það í fyrsta skipti í mörg ári að afli hefur aukist milli
ára. Aflaverðmætið jókst um 14% frá fyrra ári og
varð samtals 261 milljón £ (10.883.700.000 ísl. kr.),
miðað við aflann upp úr sjó. Eru Bretar nú bjartsýnir
á að sjávarútvegur þeirra sé að braggast eftir margra
ára hnignunarskeið, því samfara aflaaukningunni
jókst fiskneyslan, þrátt fyrir hærra markaðsverð.
Meðalverð á þorski hækkaði um 19% frá fyrra ári og
fékkst að jafnaði 623 £ (25.679 ísl.kr.) fyrir tonnið, en
fyrir tonnið af ýsu var meðalverðið 390£ (16.263
ísl.kr.). Hin hagstæða þróun mála í breska sjávar-
útveginum hefur haldið áfram a.m.k. fyrstu sex mán-
uði þessa árs.
Innflutningur Breta á sjávarvörum dróst saman um
4% miðað við árið á undan og var samtals 353.200
tonn að vermæti um 404 milljónir £.
Metafli af rækju hefur borist á land í Noregi það
sem af er þessu ári og er áætlað að í árslok verði aflinn
orðinn um 70.000 tonn. Um mánaðamótin septem-
ber-október var aflinn kominn í um 58.000 tonn og
aflaverðmætið, miðað við aflann upp úr sjó, 472 mill-
jónir n.kr. (1.800 milljónir fsl.kr.). Á sama tíma í
fyrra höfðu veiðst um 36.000 tonn af rækju, en þá
varð ársaflinn um 41.000 tonn.
Flestallir minni rækjubátar hafa nú hætt veiðum, en
þeir sem hafa aðstöðu til að frysta aflann um borð eru
ennþá að.
Verð á rækjunni hefur verið jafnt og gott það sem
af er árinu og eftirspurn það mikil að henni hefur
verið skipað út nær jafnóðum og búið er að vinna
hana.
Örtölvutækni s.f. hefur að undanförnu framleitt
hitamæla til hinna margvíslegustu nota um borð í
fiskiskipum. Lengst til vinstri á myndinni er aflestrar-
tæki er tengja má við fjóra hitanema. í miðjunni er
sjóhitanemi, eða nemi til að mæla hitastig í vökvum,
og lengst til hægri er lofthitanemi, sem nota má til að
mæla hitastig í lest, kæliklefum o.s.frv. Við aflestrar-
tækið má einnig tengja nema sem komið er fyrir í
sambandi við vélbúnað skipsins, eða annarsstaðar er
þurfa þykir.
Örtölvutækni s.f. framleiðir einnig hitamælisaf-
lestrartæki sem hægt er að tengja við allt upp í 64
nema. Á þessu tæki er hægt að stilla fyrir hvern nema
sérstaklega, en auk þess má skilgreina hóp nema, sem
þá eru bornir saman innbyrðis og reiknar þá tölva
mælisins út meðalhitastig mælistaðanna í hópnum og
leyfilegt frávik frá meðaltali. Á þennan hátt er hægt
að innstilla álagsstýrða aðvörun, t.d. fyrir vélar.
ÆGIR-591