Ægir - 01.11.1983, Síða 67

undir þeirra eigin vörumerki. Pað er stefna Icelandic
Freezing Plants Ltd. að selja undir eigin vörumerki og
koma upp ákveðnu dreifingarkerfi í framhaldi af því.
Með þessu stefnir Icelandic Freezing Plants Ltd. í
samkeppni við sína helstu viðskiptamenn í dag, stóru
fiskdreifingarfyrirtækin, sem reka bæði heildsölu og
fiskiðnaðarverksmiðju. Út úr þessu gæti orðið harð-
vítug samkeppni, sem erfitt er að sjá fyrir inn á hvaða
brautum hún mundi lenda. En frá markaðslegu
sjónarmiði hlýtur slíkt átak sem Icelandic Freezing
Plants Ltd. er að fara út í að vera mjög spennandi,
því vaxtarbroddur í fiskmarkaðnum í Bretlandi er
einmitt á þessu sviði, tilreiddir fiskréttir á
neytendavörumarkað.
5.5. Yiðhorf neytenda
Þrátt fyrir mikla verðhækkun á fiski á síðustu tíu
árum finnst meirihluta breskra húsmæðra góð kaup í
fiski og segja jafnframt, að það séu betri kaup í fiski
en í kjöti, samkvæmt könnun National Food Survey.
Um 10% húsmæðra telja ekki góð kaup í fiski. Hvað
næringargildi snertir þá kom í ljós, að húsmæðurnar
töldu lang bestu kaupin í fiski eða um 94% af þeim
húsmæðrum sem spurðar voru.
Það er ljóst af þessu, að breskar húsmæður eru
mjög tryggar sem kaupendur á fiski. Þrátt fyrir það,
að um 26% húsmæðra segðust kaupa minna af fiski en
fyrir tveim árum. Á móti töldu um 11% húsmæðra að
þær hefðu aukið sín innkaup á fiski. Það voru yfirleitt
húsmæður á aldrinum 29 til 34 ára, sem voru í þessum
Mynd 1. Dreifileiðir á frystum fiski frá íslandi.
hópi. Það skortir ekki velvild breskra húsmæðra
gagnvart fiski, heldur hefur mikil verðhækkun á fiski
umfram verðlag neytt húsmæður til að kaupa aðrar
matvörur. Viðhorf húsmæðranna til einstakra fisk-
tegunda voru þau, að mesta velvildin er gagnvart
þorski, ýsu og kola. Af því, sem að framan er sagt má
draga tvær meginályktanir, í fyrsta lagi telur megin-
þorri húsmæðra að góð kaup séu í fiski, sérstaklega
þegar tekið er tillit til næringargildis hans. í öðru lagi
er tryggð yngri húsmæðra mikil gagnvart fiski. Það er
sá hópur, sem neyslan byggist á í framtíðinni.
5.6. Niðurlag
Grundvallarbreytingar hafa átt sér stað á framboði
á fiski á breska markaðnum. Framboðið hefur minnk-
að og einnig breyst innbyrðis. Þetta hefur orsakað
það, að verð hækkaði mjög á fiski og meira en aðrar
sambærilegar vörur. Þetta hefur síðan valdið því, að
fiskneysla hefur dregist mjög mikið saman. Þrátt fyrir
þetta eru Bretar ein mesta fiskneysluþjóð í V-Evr-
ópu. Neyslan hefur ekki minnkað í öllum þáttum fisk-
neyslunnar. Neysla á frystum fiski hefur aukist veru-
lega á kostnað fersks fisks og niðursoðins. Þetta
verður að teljast mjög áhugavert fyrir íslendinga, sem
eru aðrir mestu freðfiskinnflytjendur á breska mark-
aðnum.
Starfsemi íslensku útflutningsaðilanna er fólgin í
því, að afgreiða pantanir til heildsala og einnig í
sumum tilvikum að selja af lager. Starfsemin beinist
að því, að selja þeim fiskinn á hæsta fáanlega verði.
Að því slepptu sjá aðrir um að koma fiskinum á
markað eða fullvinna hann í neytendapakkningar.
Það má því segja, að íslensku útflutningsfyrirtækin
starfi við dyr hins breska markaðar. Þó er að verða
breyting hér á með nýrri sókn sölufyrirtækis S.H. í
Bretlandi, hvað varðar að fara að fullvinna sína eigin
blokkarframleiðslu undir eigin vörumerki.
Staða breska pundsins gagnvart dollar hefur gert
það að verkum, að erfitt hefur verið að fá viðunandi
verð fyrir frystan fisk í Bretlandi. Einnig þegar tillit er
tekið til þess, að miðað við framreiknað verð á verð-
lagi ársins 1982, hefur verð á þorskflökum á breska
markaðnum farið hlutfallslega lækkandi frá árinu
1979, þó hefur frá síðasta ári verið hreyfing á verði
upp á við umfram almennar verðlagshækkanir í Bret-
landi. Þetta hefur gert það að verkum að mun fýsi-
legra hefur verð fyrir frystihúsin hér að framleiða á
Bandaríkj amarkað.
ÆGIR-627