Tímarit lögfræðinga - 01.08.1983, Side 33

6.7. Ábyrgð vegna afhendingar til rangs aðila o.fl.
Ef flytjandi afhendir vöruna öðrum en réttum viðtakanda skv. 12.
gr., sbr. 11. gr. LSL eða afhendir hana réttum viðtakanda, án greiðslu
eða framvísunar fylgibréfs, þótt sendandi hafi krafist þess, sjá 2.
mgr. 12. gr., sbr. 7. tl. 1. mgr. 6. gr. og 2. málsl. 25. gr. LSL, getur
hann bakað sér ábyrgð á tjóni, er af því leiðir. Ekki eru í LSL nein
ákvæði um skilyrði bótaskyldu flytjanda vegna vanefnda af þessu
tagi. Um bótaskilyrði fer því eftir almennum reglum kröfuréttar, sbr.
Hrd. 1975, 385. (Samkomulag var milli aðila samnings um vöruflutn-
ing með bifreið þess efnis, að flytjandi afhenti ekki viðtakanda vörur,
nema gegn framvísun frumrits fylgibréfs. Þrátt fyrir það afhenti
flytjandi vörurnar, án þess að krefjast frumrits. Var hann því dæmd-
ur bótaskyldur gagnvart sendanda).
6.8. Ábyrgð vegna annarra vanefnda flytjanda
I LSL eru ekki reglur um bótaábyrgð vegna annarra vanefnda flytj-
anda en þegar hafa verið nefndar. Ljóst er þó, að flytjandi getur skv.
almennum reglum kröfuréttar bakað sér bótaábyrgð sökum vanefnda,
sem ekki eru greindar í LSL.
Geta má þess, að um samninga um flutning á landi (eða í lofti)
gilda engar sérstakar reglur, sem svara til reglna sjóréttar um svo-
nefnda farmskírteinisábyrgð, sjá 142. gr. sigll. Samkvæmt þeirri grein
ábyrgist farmflytjandi viðtakanda, að rétt sé það, sem farmskírteini
greinir um vöru, nema hann hafi gert um það fyrirvara eða viðtak-
anda mátt vera ljóst, að farmflytjandi hafi ekki kannað réttmæti til-
greiningar. Að vísu eru upplýsingar þær sem fram koma í fylgibréfi,
sbr. 6. gr. LSL, mikilvægar varðandi sönnun ýmissa atriða og er flytj-
anda skylt samkvæmt 9. gr. LSL að kanna hvort þær séu réttar, en
um sérstaka ábyrgð vegna rangrar lýsingar vörunnar er ekki að ræða
af hálfu flytjanda eins og er eftir 142. gr. sigll.12 (Um ábyrgð send-
anda gagnvart flytjanda vegna rangra og ófullkominna upplýsinga í
fylgibréfi eða merkingar vöru eru ákvæði í 21. gr. LSL, sjá 3. kafla
hér að framan).
7. Efnisútdráttur
í þeirri grein lögfræðinnar, sem nefnd er flutningaréttur, er m.a.
lýst réttarreglum um farmflutninga á sjó, landi og i lofti. Reglur um
12 Flytjandi, sem vanrækir könnunarskyldu sína samkvæmt 9. gr. LSL getur vafa-
laust orðið bótaskyldur samkvæmt almennnum reglum.
27