Tímarit lögfræðinga - 20.12.1990, Blaðsíða 69

FYLGISKJAL I
SEND
Föstudaginn 24. ágúst 1990 sat ég fund í SEND sem er skammstöfun fyrir
Samarbetsorganet för Efterutbildning av Nordiska Domare.
Aðalefni fundarins var fyrirhugað norrænt námskeið fyrir dómara í Tromsö
4.-7. september 1991.
A fundi SEND í febrúar sl. var ákveðið að næsta námskeið fyrir dómara skyldi
fjalla um hagnýt atriði varðandi einkamálaréttarfar og meðferð einkamála
einkum þau er lúta að skilvirkri og markvissri afgreiðslu mála. Þá skyldi og
fjallað um atriði er snerta reglur sem koma kunna til álita við meðferð
einkamála.
Upphaflega var ætlunin að námskeið þetta yrði í Þrándheimi en ákveðið hefur
verið að halda það í Tromsö.
A fundinum voru tillögur vinnuhóps um framkvæmd námskeiðsins lagðar
fram og fylgja þær með í ljósriti.
Mönnum leist vel á tillögur nefndarinnar og voru sammála um að æskilegt
væri að taka fyrir ýmis aðkallandi vandamál, bera saman bækur sínar og skiptast
á skoðunum um hin daglegu vandamál fremur en stefna að mjög fræðilegum
erindum og umræðum.
Tilkynningar um þáttöku þurfa að berast fyrir aprílmánuð 1991.
Um kostnað er ekki vitað að svo stöddu en bréf munu berast um það fljótlega.
Reiknað er með að þátttakendur verði 40-50 .
Spurt var hvort íslendingar hefðu áhuga á þáttöku í námskeiði þessu. Ég taldi
víst að áhugi væri fyrir hendi en að svo komnu máli væri ekkert hægt að segja
frekar þar sem við værum svo nýkomnir að þessu máli.
Þá var rætt um „utbytestjánstgöring" en fram kom að stofnun sú er fjallar um
eftirmenntun dómara í Noregi mun greiða fyrir heimsókn tveggja dómara,
annars til Danmerkur og hins til Svíþjóðar á næstunni og er hér um 3-5 daga dvöl
að ræða þar sem menn heimsækja dómstól og fylgjast með meðferð mála og ræða
við starfsfélaga sína. Vegna Norræna lögfræðingamótsins fóru mun færri í slíkar
ferðir í ár en í upphafi stóð til en fram kom að 8-10 Norðmenn muni fara á næsta
ári.
Fram kom almennur áhugi manna á auknum samskiptum af þessu tagi og eru
til að mynda Finnar áhugasamir um að komast í slíkar heimsóknir til Svíþjóðar.
Allan V. Magnússon
267