Tímarit lögfræðinga - 01.12.1991, Qupperneq 18

verið æði erfitt að sýna fram á svo óyggjandi sé einhverjar aukaverkanir lyfja svo
dæmi sé tekið.28
4.7 Takmörkun ábyrgðar
Ábyrgð samkvæmt tilskipun Evrópubandalagsins er að hluta til takmörkuð.
Um kröfur vegna líkamstjóns eða dauða er sett allsherjartakmörkun, þ.e.
bótafj árhæð vegna allra slíkra krafna er rísa vegna sama ágalla sömu vöru verður
hæst samanlagt 70 milljónir ECU.29 Fáist allar kröfur ekki fullgreiddar með
þessari fjárhæð skulu þær sæta hlutfallslegri lækkun. Takmörkun ábyrgðar gildir
einungis um ábyrgð samkvæmt lögunum, þannig að þeir er þurfa að sæta
takmörkun kunna að byggja kröfur sínar jafnframt á eldri reglum. Þessi
takmörkun ábyrgðar er lögfest hér með 8. gr. laganna. Er takmörkunin ákveðin
í ECU, þannig að gengisþróun kallar ekki á sérstaka endurskoðun.
í tilskipun Evrópubandalagsins er ennfremur ákveðin eins konar eigin áhætta
tjónþola, 500 ECU,30 vegna tjóns á munum. Þessa eigin áhættu er ekki að finna í
íslensku lögunum. Ákvæðið um eigin áhættu er raunar ófrávíkjanlegt í tilskipun
Evrópubandalagsins, en Island er skiljanlega ekki bundið af því.
Vafi er um hvort allsherjartakmörkun hafi verulega þýðingu. Ljóst er að
vátryggingafélög setja mun lægri vátryggingarfjárhæð á ábyrgðartryggingar en
hámarksábyrgðin má lægst vera samkvæmt tilskipuninni. Þá hefur takmörkun
við munatjón um 30-40.000 krónur varla mikla þýðingu, auk þess sem framleið-
endum er fyrst og fremst hagur að því að bótauppgjör vegna skaðsemistjóns
gangi hljóðlega fyrir sig. Þeim kann að vera hagur að því í sumum tilfellum að
bera ekki fyrir sig ákvæði um eigin áhættu.
28 Sjá í þessu sambandi N.Rt. 1974, 1060, en hér var ekki talið sannað orsakasamhengi milli
hjartaáfalls ungrar konu og lyfs er hún hafði neytt. C.A. Fleischer gagnrýnir dóminn harkalega í
afmælisriti Kristen Andersen, Rett og humanisme á bls. 169.
29 Liðlega 5 milljarðar ísl. króna skv. gengi 14. október 1991.
30 Liðlega 36.000 fsl. krónur.
HEIMILDIR
Arnljótur Björnsson: Kaflar úr skaðabótarétti, Reykjavík 1990.
Gert Briiggemeier og Norbert Reich: Die EG-Produkthaftungs-Richtlinie 1985 und ihr
Verháltnis zur Produzentenhaftung nach paragr. 823 Abs. 1 BGB, Zeitschrift fur
Wirtschafts- und Bankrecht, 1986, 149.
Herbert Buchner: Neuorientierung des Produkthaftungsrechtes? Auswirkungen der EG-
Richtlinie auf das deutsche Recht, Der Betrieb, 1988, 32.
Erwin Deutsch: Unerlaubte Handlungen und Schadensersatz, Köln 1987.
Erwin Deutsch: Die neue Entscheidung des BGH zur Aids-Haftung, NJW 1991, 1937.
240