Tímarit lögfræðinga - 01.12.1991, Blaðsíða 45

félaganna svo og annarra þeirra sem að því þingi standa sé góður kostur til að
halda áfram sameiginlegum umræðum um dómsmálastjórn, réttarfar og skipan
dómsvalds.
Náms-og kynnisferð dómara til Washington 26. ágúst til 2. september 1991
Það hefur verið stefna stjórnar Dómarafélags íslands undanfarin ár að standa
fyrir ferðum félagsmanna til annarra landa til þess að gefa þeim kost á að
kynnast réttarfari og dómstólaskipan utan Islands. Slíkar ferðir hafa tvímæla-
laust haft mikil áhrif á störf dómara og má raunar segja að þær séu ungum
dómurum nauðsynlegar við mótun þeirra í starfi. Síðasta dómaraferð var farin
haustið 1988 er dómstólar í Strassborg og í Þýskalandi voru heimsóttir.
Undirbúningur dómaraferðar til Bandaríkjanna hófst sl. haust með því að
gengið var á fund sendiherra Bandaríkjanna á íslandi Charles H. Cobb og óskað
aðstoðar hans við að koma ferðinni á. Haldnir voru nokkrir fundir með
aðstoðarmönnum sendiherra svo og forstöðumönnum Menningarmálastofnun-
ar Bandaríkjanna á íslandi þar sem kynntar voru óskir Dómarafélags íslands um
dagskrá ferðarinnar. Þann 19. janúar tilkynnti stjórnin félagsmönnum um
ferðina og óskaði eftir umsóknum. Áskildi stjórnin sér rétt til að takmarkafjölda
þátttakenda við 15 dómara. Alls barst 21 umsókn. í samráði við dómsmálaráðu-
neytið svo og erlenda skipuleggjendur var ákveðið að þátttakendur af hálfu
dómara yrðu 17. Auk þeirra tók Ólafur Walter Stefánsson skrifstofustjóri í
dómsmálaráðuneytinu þátt í ferðinni.
Þann 19. ágúst var haldinn kynningarfundur með þátttakendum. Þar var þeim
kynnt dagskrá ferðarinnar og gögnum dreift. Þá fræddi Hjördís Hákonardóttir
borgardómari fundarmenn um dómstólaskipan í Bandaríkjunum en hún tók
þátt í ferðinni bæði sem dómari og leiðsögumaður. Þar sem í upphafi var ljóst að
hinir erlendu skipuleggjendur bundu dagskrána við dómara eina svo og að
dagskráin var eingöngu fagleg var hugað að sérstakri dagskrá fyrir maka
dómara. Eyjólfur Kjalar Emilsson Ph. D. sá um þá dagskrá af miklum
myndarskap.
Dagskrá ferðarinnar hófst þegar á flugvellinum í Baltimore að kvöldi 26.
september þar sem tveir leiðsögumenn tóku á móti hópnum, þeir Charles A.
James og Martin Sebastia. Charles A. James er lögfræðingur frá Yale og
heiðursdoktor auk þess að vera fyrrverandi sendiherra Bandaríkjanna í Níger.
Þessir tveir menn voru með hópnum allan tímann.
Að morgni næsta dags voru heimsóttir þeir erlendu aðilar sem skipulagt höfðu
dagskrána, en það voru U.S. Information Agency og Delphi International
Education and Training.
Eftir hádegi sama dag var haldið til Federal Judicial Center. Þessi stofnun
stjórnar rannsóknum á dómstólakerfi alríkisins, annast undirbúning og þjálfun
267