Tímarit lögfræðinga - 01.12.1991, Blaðsíða 51

Voru skoðanir oft skiptar. Að hópvinnunni lokinni gerðu höfundar grein fyrir
skoðunum sínum á því hvernig leysa ætti verkefnin.
Ráðstefna þessi var hin fróðlegasta í alla staði og ágætlega skipulögð.
Ymislegt fór þó fyrir ofan garð og neðan eins og verða vill þegar fjallað er um
mörg viðfangsefni og umfangsmikil á skömmum tíma. Segja má að mesta athygli
Islendinganna hafi vakið sú skoðun Frank Poulsen forseta Sjó- og verslunar-
dómsins í Kaupmannahöfn að sjópróf ætti að taka úr höndum dómstóla og fela
sérstakri nefnd sem færi með sjópróf á landinu öllu. Hann rökstuddi þessa
skoðun sína helst þannig að dómstólana skorti nauðsynlega þekkingu til þess að
rannsaka sjóslys og breytti þar engu um þótt þeir hefðu aðgang að sérfróðum
meðdómsmönnum. Þótt þetta fyrirkomulag gæti blessast í Danmörku þá leist
bæði okkur íslendingunum og Norðmönnum tæplega á að það væri tækt í
löndum okkar vegna fjarlægða og erfiðra samgangna oft á tíðum. Það mun þó
vera svo að Poulsen er nýlega byrjaður að láta þessa skoðun sína í ljósi en um
hana mun hvorki fagleg né pólitísk umræða hafa farið fram.
AÐALFUNDUR DÓMARAFÉLAGS ÍSLANDS 1991
Dómaraþing var haldið 10. og 11. október 1991. Formaður Valtýr Sigurðsson
borgarfógeti setti þingið. Þorsteinn Pálsson dómsmálaráðherra, Steingrímur
Ari Arason, aðstoðarmaður fjármálaráðherra, Sigurður G. Guðjónsson hrl. og
Claus Larsen formaður danska dómarafélagsins fluttu ávörp. Sigurður færði
félaginu kr. 100.000 að gjöf frá L.M.F.Í. til ritunar sögu félagsins. Fundarstjóri
var kjörinn Haraldur Henrýsson hæstaréttardómari. Aðalfundarstörf hófust
með ræðu formanns og skýrslu stjórnar. Sigríður Ingvarsdóttir gjaldkeri gerði
grein fyrir reikningum félagsins. Formaður gerði grein fyrir tillögum stjórnar
félagsins um lagabreytingar og um dómsmálaþing. Tillögur stjórnarinnar um
lagabreytingar voru samþykktar með einni breytingu. Þá var skýrsla stjórnar og
skýrsla gjaldkera samþykktar.
Formaður Dómarafélags Reykjavíkur, Eggert Óskarsson, skýrði frá störfum
þess félags, þar á meðal harðorðri ályktun aðalfundar félagsins um kjaramál
dómara.
Safnað var framlögum á fundinum til styrktar dómurum og saksóknurum og
fjölskyldum þeirra í Kólumbíu.
Samþykkt var að Inger Jónsdóttir fulltrúi sýslumanns í Suður-Múlasýslu og
Georg K. Lárusson og Sigurður T. Magnússon fulltrúar yfirborgardómara
fengju inngöngu í félagið.
Samþykkt var að félagsgjöld yrðu óbreytt en að þeir sem ganga úr félaginu
vegna lagabreytinga greiddu hálft árgjald.
Stjórn, varastjórn og endurskoðendur voru endurkjörnir.
273