Tímarit lögfræðinga - 01.12.1991, Blaðsíða 44

dómsmálaráðherra Nordrhein-Westfalen dr. Rolf Krumsiek þingið. Formaður
Dómarasambands Þýskalands er dr. Franz Joseph Pelz.
Dagskrá þingsins var það fjölbreytt að of langt mál yrði að geta allra þeirra
fyrirlestra sem þar voru fluttir. Starfaði þingið í 4 deildum og voru fyrirlestrar
fluttir samtímis í þeim öllum þannig að þátttakendur urðu að velja á milli deilda.
Á þinginu komu greinilega fram áhyggjur vegna dómstólanna í löndum
fyrrverandi Austur-Þýskalands. Við sameiningu landanna varð að samkomulagi
að enginn dómari eða saksóknari Austur-Þýskalands héldi áfram störfum án
þess að ferill viðkomandi yrði kannaður. Þessari könnun er að mestu lokið í einu
sambandslandanna þ. e. Saxlandi og voru um 50% þeirra sem könnunin tók til
endurráðnir. Þeir sem ekki voru taldir hæfir voru leystir frá störfum með 60%
launa í 6 mánuði. Eftir megni hefur verið reynt að manna dómstóla landsins með
dómurum frá fyrrum Vestur-Þýskalandi. í Berlín var lögsagnarumdæmi borgar-
innar einfaldlega breytt þannig að það tók yfir alla borgina og sinna því nú þeir
dómarar sem störfuðu í vesturhlutanum. Vinnuálag dómara hefur verið gífur-
legt af þessum sökum. Talið er að könnun á ferli dómara ljúki á 2 til 3 árum.
D. Stjórn Dómarafélags Danmerkur sendi boð um þátttöku í dómaraþingi þar í
landi þann 4. og 5. október. Friðgeir Björnsson yfirborgardómari sótti þingið
fyrir hönd félagsins.
E. Nordisk Institut for Sjórett boðaði til norrænnar dómararáðstefnu í sjórétti
dagana 30. september til 1. október í Turku í Finnlandi. Þátttakendur voru
Bjarni K. Bjarnason hæstaréttardómari, sem sótt hefur ráðstefnur af þessu tagi
um árabil, og Friðgeir Björnsson yfirborgardómari.
VII. Staða Dómarafélags íslands og framtíð
Á síðasta dómaraþingi var samþykkt tillaga þess efnis að stjórn félagsins
ásamt stjórn Sýslumannafélags íslands og stjórn Dómarafélags Reykjavíkur
undirbyggi breytingu á lögum félagsins vegna gildistöku aðskilnaðarlaga 1. júlí
1992. Þessari vinnu stjórna félaganna er nú lokið og liggja tillögur að breytingum
á lögum félagsins fyrir aðalfundi félagsins.
Talsvert mikill tími hefur farið í undirbúa þessa lagabreytingu. Allar leiðir
voru kannaðar til að halda félaginu sem mest saman. Nái hins vegar lagabreyting
sú sem nú liggur fyrir fram að ganga mun verða mikil breyting á Dómarafélagi
íslands þar sem ráð er fyrir því gert að stór hluti félagsmanna gangi úr félaginu.
Stjórn félagsins svo og stjórn Sýslumannafélags íslands eru hins vegar sammála
um að rétt sé að stíga þetta skref nú í tilefni gildistöku laga tim aðskilnað
dómsvalds og umboðsvalds í héraði.
Það er mat stjórnarinnar að hugmyndin um dómsmálaþing sem vettvang
266