Tímarit lögfræðinga - 01.12.1991, Blaðsíða 46
dómara og starfsfólks dómstólanna, rannsakar nýja tækni, sérstaklega á tölvu-
sviði, og gerir tillögur um úrbætur á stjórnun dómstólanna. Alríkisdómarar
koma flestir úr röðum lögmanna. Aður en þeir taka við starfi sínu fara þeir á
námskeið hjá stofnuninni þar sem þeir læra dómsmálastjórnun. Hópurinn fékk
góða lýsingu á starfi stofnunarinnar hjá James G. Appel. Af upplýsingum hans
svo og þeim gögnurn sem hópurinn fékk má ráða að hér er um merka stofnun að
ræða sem vert er að gefa gauin.
Á miðvikudagsmorgni heimsótti hópurinn U.S. District Courtfor the District
of Columbia. Þessi dómstóll hefur lögsögu í dómsmálum þar sem reynir á
alríkislög og í dómsmálum þegar aðilar eru búsettir hvor í sínu ríkinu. Fylgst var
með réttarhaldi í einu máli og rætt við dómara. Kviðdómsfyrirkomulag hins
bandaríska réttarfars vakti að vonum athygli dómaranna en í málinu sem var til
meðferðar var deilt um lögmæti uppsagnar starfsmanns fyrirtækis. Kviðdómur-
inn átti bæði að kveða á um lögmæti uppsagnarinnar og upphæð bóta ef til kæmi.
Þá vakti það mikla athygli íslensku dómaranna að hver dómari við dómstólinn
hafði sérstakan dómsal og starfsmenn til umráða. Stjórn D.í. hafði lagt mikla
áherslu á það við skipuleggjendur ferðarinnar að dómurum gæfist kostur á að
dvelja heilan dag í dómstólnum og þá í minni hópum og eiga viðtöl við
dómarana. Þetta tókst ekki að öllu leyti þar sem dómararnir voru meira og
minna uppteknir, m.a. höfðu tveir þeirra farið með stuttum fyrirvara til
Rúmeníu til aðstoðar við starfsbræður sína þar.
Þennan sama dag var Georgetown University Law Center heimsótt, en það er
eitt stærsta lagabókasafn í Bandaríkjunum. Forstöðumaður safnsins Adeen
Postar lýsti stofnuninni. Dómarar voru sýnilega þjáðir af þeim mikla hita sem
var þennan dag. Þær þjáningar hurfu hins vegar eins og dögg fyrir sólu þegar
ungfrú Jill J. Ramsfield leið inn í salinn og hóf að lesa yfir dómurunum
leiðbeiningar um það hvernig ætti að semja lög og dóma. Dundu spurningar
karldómara á ungfrúnni og sýndust þeir mun námfúsari og umhugaðra um að
bæta vinnubrögð sín en kvenkollegar þeirra. Eitthvað mun ungfrú Ramsfield
hafa fylgt þessum sýnda áhuga eftir, m.a. með bréfaskriftum hingað til lands.
Kemur vissulega til álita að fá hana hingað á vegum dómarafélagsins til að hressa
upp á fundarsókn hjá félaginu. Að morgni fimmtudags var haldið til höfuð-
stöðva alríkislögreglunnar FBI þar sem farið var í sýningarferð um stofnunina.
Var hópnum m.a. sýnd meðferð skotvopna. Mjög særði það karlmannsstoltið að
kvenmaður, uppábúin til að fara á dansleik, gekk í salinn og hóf að skjóta í mark
með ýmsum tólum og af miklu öryggi. Það fór ekki framhjá neinum að
skotmarkið var teikning af karlmanni. Hvort stoltið særðist af þeirri ástæðu eða
annarri er ekki vitað en allar kúlurnar hittu í hjartastað. Að lokinni þessari
ógeðfelldu sýningu svaraði Christopher Flynn spurningunt dómara en hánn er
danskættaður og áhugamaður um íslenskar bókmenntir.
268