Tímarit lögfræðinga - 01.12.1991, Blaðsíða 48
hjá Tómasi A. Tómassyni sendiherra og konu hans Hjördísi Gunnarsdóttur.
Boð þetta var hið glæsilegasta. Þegar það spurðist að sendiherrann væri mikið
fyrir söng og fagrar listir var myndaður dómarakór og ættjarðarlög sungin af
mikilli tilfinningu og næmi. Sendiherra var fámáll að söng loknum, svo mjög
komst hann við af söng þessum. Að kröfu sendiherra yfirgaf hópurinn ekki hófið
fyrr en tveimur tímum eftir að því átti formlega að ljúka.
Haldið var heim á leið að kvöldi 2. september.
Ályktanir II. nefndar þings Aiþjóðasambands dómara 1991 um ættleiðingu
1. Ættleiðing er réttarúrræði, sem ætlað er koma á fjölskyldutengslum í stað
sambands barns við kynforeldra sína. Þetta úrræði nýtur almennt réttar-
verndar í ríkjum sem fulltrúar eru frá á þinginu.
2. Öll ríki ættu að gera það að grundvallaratriði í ættleiðingarlöggjöf sinni sem
er hagsmunum barns fyrir bestu. Skilyrði varðandi persónu ættleiðings ættu
að vera sem fæst.
Akvarðanir um ættleiðingu ættu fyrst og fremst að taka mið af því sem barni
er fyrir bestu, án þess að réttmætir hagsmunir kynforeldra og væntanlegra
kjörforeldra séu bornir fyrir borð. Hagsmunir barns ættu að sitja í fyrirrúmi
ef hagsmunaárekstur verður.
í öllum löndum ætti að tryggja fullt jafnrétti kjörbarna og annarra barna
kjörforeldra. Þar sem gefinn er kostur á tvenns konar ættleiðingu ætti
a.m.k. annar kosturinn að uppfylla þessar kröfur.
Órofin tengsl við kynforeldra, sem gert er ráð fyrir í sumum löndum, eru
ekki andstæð meginsjónarmiðinu um hagsmuni barns.
3. Æskilegt er að löggjöf um ættleiðingu miði að einfaldari og hraðari
málsmeðferð í ættleiðingarmálum jafnframt því sem fullnægjandi rannsókn
fari fram á hæfi væntanlegra kjörforeldra til ættleiðingar með það fyrir
augum sem barninu er fyrir bestu.
4. Reglur um aðgang kjörbarna að upplýsingum um kynforeldra eru mismun-
andi eftir löndum. Það ætti að vera grundvallarréttur kjörbarns að fá að vita
hverjir kynforeldrar þess eru, en gaumgæfa þarf hvort þörf er á að setja
einhverjar skorður við þessum rétti.
Ályktanir III. nefndar þings Alþjóðasambands dómara 1991 um samfélagsþjón-
ustu
1. Samfélagsþjónusta er refsiúrræði sem felst í því að dómfelldum manni er
gert, aðallega eða til vara, að inna af hendi starf sem bæði er gagnlegt
samfélaginu og hefur uppeldisgildi, þ.e.a.s. er ætlað að stuðla að því
dómfelldi verði samfélagshæfur (á ný).
í Englandi ákveður skilorðsþjónustan hvaða störf teljast fallin til samfélags-
270