Tímarit lögfræðinga - 01.12.1991, Blaðsíða 56

NÝ LÖG DÓMARAFÉLAGS ÍSLANDS
1. gr.
Félagið heitir Dómarafélag íslands
2. gr.
Félagar eru hæstaréttardómarar og héraðsdómarar.
Þeir félagar, sem látið hafa af störfum fyrir aldurs sakir eða heilsubrests,
teljast félagsmenn nema þeir óski eftir að víkja úr félaginu.
Dómarafulltrúar, sem náð hafa embættisgengi til dómarastarfa, geta sótt um
inngöngu í félagið.
Allir félagsmenn eiga jöfn réttindi og bera jafnar skyldur.
3. gr.
Tilgangur félagsins er:
a) að standa vörð um sjálfstæði dómara og dómstóla,
b) að stuðla að velferð dómarastéttarinnar og vera málsvari hennar, m.a. í
kjaramálum,
c) að stuðla að samræmi í allri lagaframkvæmd,
d) að vera ráðgefandi gagnvart ríkisstjórn og Alþingi um nýmæli í löggjöf, sem
vænta má að snerti verksvið félagsmanna,
e) að hlynna að fræðimennsku og útgáfu tímarits um lögfræðileg efni í
samstarfi við önnur félög lögfræðinga eða einstaklinga,
f) að halda dómsmálaþing í samvinnu við Sýslumannafélag íslands og dóms-
málaráðuneytið eftir reglum þar um.
4. gr.
Stjórn Dómarafélags íslands skipa 5 menn, formaður og 4 meðstjórnendur
kjörnir á aðalfundi. A aðalfundi skulu jafnframt kjörnir tveir varamenn.
Stjórnarmenn verða ekki endurkjörnir þegar þeir hafa setið í aðalstjórn
samfellt í 6 ár. Þó má kjósa stjórnarmann, er þannig háttar til um, formann
félagsins og kemur fyrri stjórnarseta hans þá ekki til frádráttar.
Stjórnin kýs úr sínum hópi varaformann, gjaldkera og ritara.
Stjórnarmaður fer með starf uns ný kosning í stöðuna hefur löglega farið fram.
Stjórn félagsins semur dagskrá og boðar til aðalfunda félagsins, er fari fram að
jafnaði á síðasta ársfjórðungi ár hvert. Stjórnin getur boðað til aukafunda, þegar
278