Tímarit lögfræðinga - 01.12.1991, Blaðsíða 47
Að þessari heimsókn lokinni var haldið í dómsmálaráðuneytið, U.S. Depart-
ment of Justice. Dómsmálaráðuneytið er allfrábrugðiÖ því sem við eigum að
venjast. Kemur þar einkum til að það hefur engin afskipti af dómstólunum
hvorki fjármálum þeirra né stjórnsýslu. Hins vegar ber ráðuneytið ábyrgð á
framkvæmd alríkislaga, saksókn, refsifullnustu og framkvæmd á málefnum
innflytjenda.
Að lokum þessa dags var lögfræðingafélagið, American Bar Association,
heimsótt. í félaginu eru um 360 þúsund félagar, þar á meðal fjöldi dómara.
Dómarar fengu ýmsar upplýsingar um hlutverk félagsins. Pá var sérstaklega rætt
um veru dómara í félaginu og sérstöðu þeirra í þjóðfélaginu almennt. Fram kom
að félagið legði mikla áherslu á baráttu fyrir bættum kjörum dómara og var
íslenskum dómurum boðið að ganga í það.
Að morgni föstudags var Hæstiréttur Bandaríkjanna, The Supreme Court of
the United States, heimsóttur. Vitað var fyrirfram að rétturinn var í þingleyfi,
eins og íslenskir dómarar, þannig að ekki gafst kostur á því að sjá dómarana við
dómstörf. Til réttarins er skotið um sex þúsund málum á ári en aðeins á annað
hundrað mál eru tekin til efnisúrlausnar. Fengu dómarar ýmsar merkilegar
upplýsingar um starfsemi réttarins. Þeirra merkilegastar má segja að hafi verið
að bandarískum lögmönnum er treyst fyrir því að ljúka.málflutningi sínum á 30
mínútum. Svo strangt er eftir þessu gengið, að 5 mínútum áður en tíminn er út
runninn kviknar aðvörunarljós í borði lögmannsins og á hann síðan að stöðva
flutninginn um leið og það slokknar. Hámark þeirrar tækni er að hætta í miðju
orðinu „if“. Málflutningstíminn lengist ekkert þótt dómarar spyrji látlaust á
meðan klukkan tifar.
Pá var upplýst að skömmu fyrir aldamótin tók þáverandi forseti dómsins
Metville W. Fuller upp þann sið, að dómarar tækjust í hendur á morgni hverjum
og eins að loknum fundum þeirra. Siður þessi hefur borist víða.
Rétt þótti að ljúka hinni faglegu dagskrá eftir að hópurinn hafði verið
myndaður á tröppum hæstaréttar. Var með samkomulagi við gestgjafana felld
niður heimsókn til D.C. Public Defender Service.
Seinni part sama dags var farið í rútu til Wolf Trap Farm Park þar sem Judy
Collins þjóðlagasöngkona hélt útitónleika. Snæddur var „picnic“ úti í náttúrunni
áður en tónleikarnir hófust. Um 7 þúsund manns sóttu tónleikana og fögnuðu
söngkonunni sem mátti muna sinn fífil fegri. Svo var nú raunar um flesta
áheyrendur.
Laugardaginn 31. ágúst átti Bjarni K. Bjarnason hæstaréttardómari 65 ára
afmæli. Af því tilefni hélt hópurinn snemma morguns til Mount Vernon
búgarðsins og legstaðar George Washington, en hann var mikill bóndi og
ræktunarmaður auk þess að vera hershöfðingi og forseti Bandaríkjanna.
Seinni part dagsins var boð fyrir hópinn og nokkra íslendinga í Washington
269