Tímarit lögfræðinga - 01.12.1991, Síða 39

IV. Umsagnir um lagafrumvörp og þingsályktunartillögur.
Stjórn félagsins hefur gefið umsögn um eftirtalin lagafrumvörp og þingsálykt-
unartillögu:
1. Frumvarp til laga um opinbera réttaraðstoð
2. Frumvarp til laga um breytingu á almennum hegningarlögum
3. Frumvarp til laga um meðferð opinberra mála
4. Frumvarp til laga um gjaldþrotaskipti o. fl.
5. Frumvarp til laga um skipti á dánarbúum o. fl.
6. Frumvarp til laga um vernd barna og ungmenna
7. Frumvarp til stjórnsýslulaga
8. Þingsályktunartillaga um auknar varnir gegn vímuefnum
9. Frumvarp til barnalaga
10. Frumvarp til hjúskaparlaga
11. Frumvarp til uppboðslaga
12. Frumvarp til laga um meðferð einkamála
Umsagnir stjórnarinnar um lagafrumvörp eru misjafnlega umfangsmiklar.
Alla jafna fer þó mikill tími til þess hjá einstökum stjórnarmönnum að veita þær.
Sú leið hefur ekki verið farin að skipa sérstaka nefnd innan félagsins sem
annaðist umsagnir um lagafrumvörp. Stjórnin ákvað hins vegar að standa
þannig að verki, að ekki færri en tveir stjórnarmanna undirrituðu hverja umsögn
og bæru á henni ábyrgð. Að jafnaði er það formaður og einn þeirra stjórnar-
manna sem kunnugastur er viðkomandi réttarsviði.
Sá háttur var hafður á við samningu frumvarps til laga um nauðungarsölu svo
og frumvarps til laga um meðferð einkamála, að réttarfarsnefnd fundaði um efni
frumvarpanna með ákveðnum aðilum sem nefndin kallaði til. Þessi háttur er
mjög til fyrirmyndar enda gefst með honum tækifæri til að skiptast á skoðunum
og leita skýringa á hugmyndum höfunda áður en formleg umsögn er veitt.
Stjórnin telur að aðalmarkmið með umsögnum um lagafrumvörp eigi að vera
það að vekja athygli höfunda á sem flestum atriðum í viðkomandi frumvarpi sem
til álita mætti koma svo og að gæta ákveðinna grundvallaratriða réttarfars. Hins
vegar beri ekki að líta svo á að félagið berjist fyrir því að ná öllum þeim atriðum
fram sem bent er á í umsögn þess.
V. Saga Dómarafélags íslands
Allt frá 25 ára afmæli félagsins hafa verið uppi áform um að taka saman sögu
þess. Þessu hefur hins vegar ekki verið hrundið í framkvæmd þar til nú á 50 ára
afmælinu. Stjórn félagsins fékk til verksins Davíð Þór Björgvinsson lektor og
birtist saga félagsins í sérstöku hefti Tímarits lögfræðinga sem helgað er 50 ára
afmæli Dómarafélags íslands. Telur stjórnin að vel hafi tekist til með verkið en
261