Tímarit lögfræðinga - 01.12.1991, Blaðsíða 43

Steingrímur Gautur Kristjánsson borgardómari sem sat í II. nefnd en þar var
umræðuefnið: Meðferð ættleiðingarmála;
Helgi I. Jónsson sakadómari sem sat í III. nefnd en þar var umræðuefnið:
Samfélagsþjónusta sem refsing.
Þátttakendur höfðu fyrir þingið skilað svörum við ákveðnum spurningum sem
formenn nefndanna höfðu sett fram. Á þinginu er síðan unnið úr þessum svörum
og fulltrúar gera grein fyrir því fyrirkomulagi sem ríkir í viðkomandi landi. Allt
er þetta tafsamt þar sem segja má að mikill hluti þingstarfa fari fram á frönsku en
allt er síðan þýtt á ensku og öfugt.
Af hálfu Dómarafélags íslands sátu sömu fulltrúar aðalfund Alþjóðasam-
bands dómara. Forseti samtakanna er norski hæstaréttardómarinn Arne
Christiansen. Á þinginu var samþykkt inntökubeiðni Ungverjalands sem fyrst
allra fyrrverandi austantjaldsríkja gengur í alþjóðasambandið. Var það gert að
undangenginni ítarlegri rannsókn á sjálfstæði dómstóla og dómara þar í landi
auk þess sem fulltrúi Dómarafélags Ungverjalands gerði grein fyrir stöðu
dómstólanna í heimalandi sínu.
Fundur Evrópudeildar samtakanna var einnig haldinn á sama tíma en þar eiga
sæti dómarar frá löndum sem eru aðilar að Evrópubandalaginu. Áheyrnarfull-
trúar voru frá evrópulöndum utan bandalagsins. Forseti deildarinnar er Rainer
Voss varaformaður Dómarasambands Þýskalands.
B. SEND (Samarbetsorganet för Efterutbildning av nordiska Domare.)
Stjórn SEND stóð fyrir námstefnu íTromsö daganna4. til 7. september sl. um
efnið: Hagnýt atriði einkamálaréttarfars er lúta að skilvirkri og markvissri
afgreiðslu mála. Ekki var unnt að senda þátttakanda á námstefnuna af félagsins
hálfu vegna kostnaðar svo og vegna ferðar dómara til Bandaríkjanna. Stjórn
Dómarafélags íslands telur hins vegar fulla ástæðu til að fylgjast með starfsemi
SEND og taka þátt í henni eftir því sem efni leyfa.
C. Félaginu barst boð Dómarasambands Þýskalands Deutscher Richterbund um
að senda fulltrúa á dómaraþing í Köln þann 23. til 25. september sl. Á
stjórnarfundi félagsins var ákveðið að formaður sækti þingið.
Dómaraþing Þýskalands eru haldin fjórða hvert ár og var það síðasta í
Hamborg árið 1987. Þingið sóttu nú rúmlega 1000 dómarar en dómarar eru um
17.500 þar í landi. Þess ber að geta, að dómarar greiða þátttökugjald sjálfir auk
þess sem þeir standa straum af ferðalögum og uppihaldi. Þingstaður var í
nýbyggðu glæsihóteli Maritim keðjunnar á bökkum Rínar. Þar dvöldu einnig
hinir erlendu gestir og hluti þátttakenda. Mjög var til þingsins vandað. Forseti
Þýskalands Richard von Weizsácker sat þingið svo og yfirborgarstjóri Kölnar.
Þá ávörpuðu dómsmálaráðherra sambandslýðveldisins dr. Klaus Kinkel og
265