Tímarit lögfræðinga - 01.09.1995, Síða 42

Lítill skilningur er á því að það sé hlutverk lögmanna að gæta réttar þeirra sem
brotið er gegn af sterku ríkisvaldi og öflugum einkaréttaraðilum. Til að geta
gegnt þessu hlutverki þurfa lögmenn að njóta sjálfstæðis ekki síður en dóm-
stólar.
Þetta nauðsynlega sjálfstæði lögmannastéttarinnar, sem er ein af undirstöðum
réttamkisins, á nú undir högg að sækja m.a. á Alþingi, þar sem nú er unnið að
því að veikja þetta sjálfstæði með afnámi dómsvalds stjórnar Lögmannafélags
Islands í tilteknunr málum sem varða lögmenn án þess að það tengist endur-
skoðun dómstólaskipunarinnar eða slíku dómsvaldi sé fyrir komið með öðrum
hætti.
Því er það ósk mín til Hæstaréttar á þessum mikilvæga afmælisdegi, að rétt-
urinn fái að njóta óhjákvæmilegs sjálfstæðis og óhlutdrægni í starfi sínu og
stuðli jafnframt að sjálfstæðri lögmannastétt í landinu með dómum sínum.
Sjálfstæðir dómstólar án sjálfstæðrar lögmannastéttar missa marks og geta ekki
gegnt hlutverki því sem þeim er ætlað í réttar- og lýðræðisríki.
Það er ekki aðeins ástæða til að rifja upp minningar og líta fram á veginn á
slíkum degi. Það er einnig tilefni til að færa vinum sínum gjafir. Brátt mun
afmælisbamið færa sig um set yfir Lindargötuna í nýtt dómhús. Þar verða tveir
dómsalir. Lögmannafélag íslands hefur í samráði við arkitekta nýja hússins
ákveðið að gefa Hæstarétti í tilefni af afmælinu myndverk eftir myndlistar-
manninn Svövu Björnsdóttur sem verður komið fyrir í hinunr minni dómsal.
Verk þetta verður gert sérstaklega fyrir dómsalinn og mun taka mið af mótun
hans eða salurinn taka nrið af myndlistarverkinu. Megi verkið vera tákn unr hug
lögmanna til Hæstaréttar.
228