Tímarit lögfræðinga - 01.09.1995, Qupperneq 49

9. Árlegt málþing félagsins var haldið í Viðeyjarstofu laugardaginn 8. október
1994 og stóð frá kl. 10:00 til kl. 17:30. Þá voru bornar fram léttar veitingar.
Að þessu sinni var umfjöllunarefni málþingsins hæfisreglur í stjórnsýslu og í
réttarfari. Ráðstefnustjóri var Markús Sigurbjörnsson, hæstaréttardómari. Fyrir
hádegi fluttu framsöguræður: Sigurður Líndal, prófessor um efnið: „Uppruni og
þróun hæfisreglna“, Garðar Gíslason, hæstaréttardómari um efnið: „Tengsl
hæfisreglna og siðferðisreglna“ og Páll Hreinsson, lögfræðingur hjá umboðs-
manni Alþingis um efnið: „Almenn og sérstök hæfisskilyrði“.
Eftir hádegi fluttu erindi: Þórhildur Líndal, deildarstjóri í forsætisráðuneytinu
um efnið: „Hæfísreglur f stjórnsýslu", Benedikt Bogason, dómarafulltrúi um efnið:
„Hæfísreglur dómara“ og Viðar Már Matthíasson, hrl. um efnið: „Hæfísreglur lög-
manna“. Eftir það fóru fram umræður og fyrirspumum var svarað. Því næst fór
fram pallborðsumræða undir stjóm Tryggva Gunnarssonar, hrl. um efnið: „Staða
hæfísreglna á íslandi og þróun síðasta áratug“. Þátttakendur í þeim umræðum voru
allir framsögumenn auk þess sem íjölmörgum fýrirspumum var beint til þeirra frá
fundargestum.
Málþing þetta var undirbúið af sérstakri málþingsnefnd innan stjórnar félags-
ins, en í henni sátu: Dögg Pálsdóttir, Kristín Briem, Helgi Jóhannesson og
Markús Sigurbjömsson. Málþing þetta tókst afar vel í alla staði og var vel sótt,
en þátttakendur voru 120.
Bókaðir fundarmenn voru samtals 427 á starfsárinu, sem verður að teljast
ágæt þátttaka. Engu að síður er um að ræða nokkra fækkun frá fyrra ári, sem
skýrist m.a. af því að málþing það árið var hið næst fjölmennasta í sögu félags-
ins. Þá hefur það verið áberandi, hve góð þátttaka hinna yngstu félagsmanna
hefur verið á mörgum fundum, sem er í senn ánægjulegt og hlýtur að gefa vís-
bendingu um að ekki þurfi að óttast um framtíð félagsins.
Stjórn félagsins flytur þakkir sínar öllum þeim, sem tóku að sér að flytja er-
indi á fundum og tóku annan virkan þátt í umræðum á fræðslufundum félagsins.
2. FJÖLSKYLDUFERÐ í VIÐEY
Laugardaginn 14. maí 1994 efndi stjórn félagsins til skoðunarferðar félags-
manna nteð fjölskyldum sínum í Viðey undir leiðsögn Sigurðar Líndal, prófess-
ors. Ferðin var í senn skoðunarferð og upprifjun á réttarsögunni, enda ærið
umfjöllunarefni á þessum mjög svo „juridiska stað“. Þarna gafst félagsmönnum
kostur á að brjóta upp hefðbundið fundarform með þátttöku fjölskyldna sinna.
Tókst ferðin í alla staði mjög vel, enda reyndust veðurguðimir lögfræðingum
eins hliðhollir og verða mátti. Þátttakendur í ferðinni voru 45.
3. JÓLATRÉSSKEMMTUN
Jólatrésskemmtun var haldin fyrir börn og bamaböm félagsmanna í samvinnu
við Lögmannafélag íslands í Átthagasal Hótel Sögu 30. desember 1993.
235