Tímarit lögfræðinga - 01.12.1996, Síða 37

5. Ráðgefandi álit frá 25. september 1996 (Mál E-2/95) Eidesund
5.1 Inngangur
Þann 25. september 1996 sendi EFTA-dómstóllinn frá sér tvö ráðgefandi álit
um tilskipun ráðs EB 77/187/EBE. Tilskipunin, sem vísað er til í XVIII. viðauka
við EES-samninginn, fjallar um vemd launþega við eigendaskipti að fyrir-
tækjum og atvinnurekstri. Þessi tvö ráðgefandi álit eru fyrstu úrlausnir EFTA-
dómstólsins eftir breytingar á skipulagi hans 1. júlí 1995. Dómurinn var skipaður
þremur dómurum. Urlausnimar verða birtar í næstu skýrslu dómstólsins.
5.2 Atvik málsins
I þessu máli, sem sent var frá Gulating lagmannsrett í Noregi, krafðist laun-
þegi þjónustufyrirtækis þess að vinnuveitandi greiddi iðgjöld hans til frjálsrar
lífeyristryggingar með sama hætti og fyrri vinnuveitandi hans hefði gert.
Eidesund hafði unnið við þjónustustörf hjá fyrirtækjum sem sjá um veitingar og
þrif á olíuborpöllum í Norðursjó, síðast hjá fyrirtækinu Scandinavian Service
Partner A/S (SSP) á borpallinum Ekofisk Alpha. SSP hafði greitt hluta iðgjalda
til lífeyristryggingar starfsmanna sinna, sem í þessu tilviki var ellilífeyristrygg-
ing. Er þjónustusamningur SSP við rekstaraðila olíuborpallsins (PPCoN) rann
út samdi PPCoN við annað þjónustufyrirtæki, Stavanger Catering A/S (SC), um
þessa þjónustu. SC bauð fjórtán af nítján starfsmönnum SSP á borpallinum
störf með þeim starfskjörum sem samræmdust kjarasamningum og almennum
skilmálum fyrirtækisins. Samkvæmt því neitaði SC að greiða iðgjöld til líf-
eyristryggingar þeirrar sem SSP hafði greitt vegna starfsmanna sinna. Krafa
Eidesund um að SC greiddi iðgjöldin með sama hætti og SSP hefði gert var
ekki tekin til greina í undirrétti. Eidesund skaut málinu til Gulating lag-
mannsrett, sem ákvað að senda beiðni um ráðgefandi álit til EFTA-dómstólsins
áður en málinu yrði ráðið til lykta.
Eftirfarandi spurningum var beint til EFTA-dómstólsins:49
1. Fellur uppsögn á þjónustusamningi við fyrirtæki og gerð nýs þjónustusamnings við
annað fyrirtæki undir 1. gr. tilskipunar ráðsins 77/187/EBE ef engin skilyrði eru sett
í samningnum um yfirtöku á tækjabúnaði og/eða starfsfólki?
2. Hefur það áhrif á svarið við spurningu 1 ef nýja þjónustufyrirtækið tekur yfir
starfsfólk og birgðir?
3. Hefur það áhrif á svarið við spurningu 1 ef samningurinn fellur undir tilskipanir ráðs-
ins 77/62/EBE, 80/76/EBE og 88/295/EBE um gerð samninga um opinber vörukaup?
4. Eiga 1. og 2. mgr. 3. gr. tilskipunar 77/187/EBE einnig við um réttindi starfsmanns
til að halda tryggingum, þar með talið lífeyristryggingum, hjá nýjum vinnuveitanda
sem starfsmaðurinn átti rétt á hjá þeim vinnuveitanda sem missti samninginn.
49 Sjá þýðingu spuminganna í EES-viðbæti við Stjórnartíðindi EB, nr. 23, 23. maí 1996
[96/EES/23/11].
173