Tímarit lögfræðinga - 01.12.1996, Síða 74

10. Lokaorð
Yfirlit þessarar skýrslu um starfsemi félagsins sýnir að samtals hafa liðlega
500 manns tekið þátt í fræðafundum og málþingum á vegum þess á því starfsári
sem er að líða. Miðað við að félagsmenn eru liðlega 800 má vel una við slrka
þátttöku í starfsemi félagsins. Stjórn félagsins hefur þó áhyggjur af því hve
fundarsókn á fræðafundum félagsins hefur dregist saman á síðustu árum.
Algengt er að fjöldi fundarmanna á þessum fundum sé innan við þrjá tugi.
Stjórnin hefur velt fyrir sér hvort breyttur fundartími fræðafunda kynni að auka
fundarsókn. Stjórnin efndi til viðhorfskönnunar meðal þátttakenda á málþingi
félagsins 12. október sl. um hentugan fundartíma auk þess sem óskað var eftir
hugmyndum um áhugaverð fundarefni. Verið er að vinna úr niðurstöðum
þeirrar könnunar og mun ný stjórn hafa þær til hliðsjónar varðandi fyrirkomu-
lag og efni fræðafunda á komandi vetri. Þá hefur stjómin áhuga á að beita sér
fyrir enn frekari samvinnu við önnur félög lögfræðinga um fræðafundi þegar
fjallað er um efni sem hafa breiða skírskotun til allra lögfræðinga.
Guðmundur Skaftason sem verið hefur annar af tveimur endurskoðendum
Lögfræðingafélags Islands og Tímarits lögfræðinga um árabil hefur óskað eftir
því að láta af því trúnaðarstarfi. Endurskoðendur hafa skipt verkum með sér
þannig að annar hefur annast endurskoðun reikninga félagsins og hinn endur-
skoðun reikninga tímaritsins. Reikningar Tímarits lögfræðinga hafa komið í
hlut Guðmundar. Hann hefur sinnt endurskoðun þeirra af mikilli vandvirkni og
nákvæmni. Vil ég nota tækifærið og þakka Guðmundi Skaftasyni hans ágætu
störf í þágu Lögfræðingafélags íslands og Tímarits lögfræðinga.
Samstarf stjórnar hefur verið prýðilegt og þakka ég samstarfsmönnum mínum
í stjóm fyrir ánægjulega samvinnu og félagsmönnum öllum fyrir þátttöku í
félagsstarfinu. Kristín Briem framkvæmdastjóri Tímarits lögfræðinga í stjórn
félagsins hefur ákveðið að gefa ekki kost á sér til endurkjörs. Kristín hefur setið
í stjórninni í þrjú ár. Henni vil ég þakka ötul og óeigingjörn störf í þágu
félagsins og Tímarits lögfræðinga og sérlega ánægjulegt samstarf.
Dögg Pálsdóttir
210